Radioja Kombëtare Bullgare © 2021 Të gjitha të drejtat janë të rezervuara

Me dekret Presidenti Rumen Radev shpërndan Legjislaturën e 45-të Kuvendit Popullor më 12 maj

Foto: BGNES

Kreu i Shtetit caktoi zgjedhjet e parakohshme parlamentare për datën11 korrik. Ai gjithashtu emëron një qeveri të përkohshme me këtë përbërje:

Stefan Janev është Kryeministri. Deri më tani, ai ishte sekretar i shtetit për sigurinë dhe mbrojtjen;

Gëlëb Donev është Zëvendëskryeministër për Politikat Ekonomike dhe Sociale dhe Ministër i Punës dhe Politikës Sociale. Deri më tani, ai ishte Sekretar i Politikës Sociale dhe Shëndetësisë nën Presidentin Radev;

Prof. Bojko Rashkov është Zëvendës Kryeministër për Rendin dhe Sigurinë Publike dhe Ministër i Brendshëm. Në karrierën e tij profesionale ai ka zënë një numër pozicionesh qeveritare të përgjegjshme, si drejtor i Shërbimit Kombëtar të Hetimit dhe anëtar i Këshillit të Lartë Gjyqësor;

Atanas Pekanov është Zëvendës Kryeministër për Menaxhimin e Fondeve Evropiane. Ai është ekonomist në Institutin Austriak për Kërkime Ekonomike (WIFO) në Vjenë;

Asen Vasilev merr departamentin e financave. Ai u diplomua në ekonomi nga Harvard dhe në administrim biznesi dhe drejtësi në Shkollën e Biznesit të Harvardit dhe në Shkollën e Drejtësisë të Harvardit;

Georgi Panajotov u bë Ministri i Përkohshëm i Mbrojtjes. Ai është një diplomat karriere.

Dr. Stojço Kacarov mban postin e Ministrit të Shëndetësisë. Ai është themelues dhe kryetar i Qendrës për Mbrojtjen e të Drejtave në shëndetësi;

Prof. Violeta Komitova është Ministre e Zhvillimit Rajonal dhe Punëve Publike. Ajo është pedagoge në Fakultetin e Arkitekturës të Universitetit të Arkitekturës dhe Inxhinierisë së Ndërtimit.

Nikollaj Denkov është Ministër i Arsimit dhe Shkencës. Ai është anëtar-korrespondent i Akademisë Bullgare të Shkencave, me specialitet në degën e fizikës dhe kimisë. Sipas renditjes së Universitetit të Stanfordit, anëtar-korrespondenti dhe doktor i shkencave Denkov është ndër 2% e shkencëtarëve më të mirë në botë;

Svetllan Stoev është me detyrë Ministër i Jashtëm. Ai është një diplomat karriere dhe ambasador i vendit në Danimarkë;

Prof. Janaki Stoillov u bë Ministri i Përkohshëm i Drejtësisë. Përveç se është politikan dhe deputet i vjetër i BSP, ai jep mësim juridik në Universitetin e Sofjes “Shën Kliment Ohridski ”dhe në Universitetin e Plovdivit“ Paisij Hilendarski ”;

Velislav Minekov bëhet Ministër i Kulturës. Minekov është profesor në Akademinë Kombëtare të Arteve.

Asen Liçev merr përsipër ekologjinë dhe ujërat. Ai ka një përvojë të gjatë në ministrinë përkatëse;

Hristo Bozukov është Ministri i Bujqësisë, Ushqimit dhe Pylltarisë. Ai ka një karrierë të gjatë shkencore në rritjen e bimëve. Tashmë ka qenë ministër i përkohshëm me të njëjtin resor në kabinetin e parë të përkohshëm të emëruar nga Presidenti Radev;

Georgi Todorov u bë Ministri i përkohshëm i Transportit, Teknologjisë së Informacionit dhe Komunikacioneve. Ka qenë jurist në ministri;

Kirill Petkov është Ministri i Ekonomisë. Ai është sipërmarrës dhe ka dhënë mësim në Universitetin e Harvardit;

Andrej Zhivkov është Ministri i përkohshëm i Energjisë. Ai ka diploma në energji dhe menaxhim;

Doc. Stella Balltova është Ministre e Turizmit. Është pedagoge në Universitetin e Bllagoevgradit;

Andrej Kuzmanov është Ministri i përkohshëm i Rinisë dhe Sportit. Ai është President i Konfederatës Evropiane të Pentathlon-it Modern, President i Federatës Bullgare të Pentathlon-it Modern dhe i Konfederatës Ballkanike të Pentathlon-it Modern. Ai është anëtar i Komitetit të Biznesit të Federatës Ndërkombëtare të Pentathlon-it Modern.

Presidenti Radev gjithashtu lëshoi një dekret për emërimin e një Komisioni të ri Qendror të Zgjedhjeve të kryesuar nga Kamelija Nekojva.


Më shumë nga rubrika

Votimi - organizimi, pritjet, çmimi

Votimi i detyrueshëm me makinë është noviteti më i madh i zgjedhjeve të parakohshme parlamentare në Bullgari më 11 korrik. Përjashtime nga ky rregull janë të mundshme në seksionet me më pak se 300 zgjedhës, në rastet kur votohet me kuti të lëvizshme..

botuar më 21-06-24 10.55.PD
Godina e MPJ-së në Sofje

Sofja ripohoi pozitën e saj mbi perspektivën evropiane të Shkupit

Bullgaria ripohoi pozitën e saj mbi perspektivën evropiane të Maqedonisë së Veriut dhe mbetet e hapur për një dialog konstruktiv me Presidencën e ardhshme sllovene të Këshillit të Bashkimit Evropian për të gjetur zgjidhje reciprokisht të pranueshme. Kjo..

botuar më 21-06-22 5.58.MD

Hapen 784 seksione jashtë shtetit për zgjedhjet parlamentare

Bullgarët në 68 vende do të votojnë në gjithsej 784 seksione në zgjedhjet e parakohshme parlamentare të 11 korrikut, njoftoi Ministria e Jashtme numrin përfundimtar të vendvotimeve. Më shumë vendvotime hapen në Britaninë e Madhe - 135, ndjekur nga..

botuar më 21-06-21 5.04.MD