Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari – Dita e 433

Foto: BGNES

Vaksinim masiv në vendpushimin Sllënçev Brjag

Kryhet vaksinimi masiv i punonjësve në hotelet dhe restorantet në vendpushimin Sllënçev Brjag dhe sigurohet një “korridor i gjelbër” për imunizimin, si dhe mundësia për vaksinimin e të huajve të punësuar në industrinë e turizmit, vetëm kundër paraqitjes së një dokumenti identiteti.“Më shumë se 80 hotele në Sllënçev Brjag deri më tani kanë shprehur dëshirë dhe kanë përgatitur lista të stafit për vaksinim”, përgjithëson Teodora Pastarmaxhieva, anëtare e Bordit të Bashkimit të Pronarëve “Sllënçev Brjag”.


4.5 për qind janë të infektuarit me Covid-19 në 24 orët e fundit

506 janë rastet e reja të koronavirusit në vend, sipas Portalit të Unifikuar të Informacionit. 4.5 për qind e 11 247 testeve të kryera janë pozitive. Në të gjitha rrethet të sapo infektuarit janë nën 100 vjeç. Shumica janë në qytetin e Sofjes – 98, pasuar nga rrethet e qyteteve Plovdiv - 55, Varna - 41 dhe Veliko Tarnovo - 27. 36 124 janë rastet e regjistruara aktive. 5114 pacientë u shtruan në spital. 516 trajtohen në njësitë e kujdesit intensiv. 44 njerëz vdiqën me Covid-19 të konfirmuar gjatë 24 orëve të fundit. Të shëruarit nga koronavirusi janë2 853 ose pesë herë më shumë sesa të infektuarit. 37 759 vaksina u bënë brenda 24 orëve të fundit. 387 980 persona u imunizuan me dy  doza. Të imunizimit të paktën me një dozë janë 1 073 523.


½ prej punëdhënësve janë gati ta vazhdojnë punën në distancë edhe pas pandemisë

Më shumë se gjysma e punëdhënësve (55%) kanë filluar të përdorin punën nga distanca në kompanitë e tyre, ndërsa 28% e kanë përdorur këtë formë të punës para pandemisë. 17% e punëdhënësve nuk e aplikojnë punën në distancë. Këtë e tregon një studim i Dhomës Bullgare të Tregtisë i zhvilluar ndër menaxherët e 180 ndërmarrjeve në të gjithë vendin për ndikimin e Covid-19 në organizimin e punës. Për çdo punëdhënës të tretë (33.3%) është i vështirë saktësimi i rregullave për punë në distancë dhe sigurimi i vendeve të punës në shtëpi me pajisjet e nevojshme. Përgjegjësia dhe stresi në rritje i punës janë një problem për 28% prej të anketuarve. 17% e menaxherëve shënojnë përshkallëzim të konflikteve brenda stafit. Përkundër këtyre problemeve, gjysma e punëdhënësve synojnë ta vazhdojnë punën në distancë edhe pas heqjes së masave anti-epidemike. Ulja e shpenzimeve të përgjithshme (72%) dhe krijimi i formave fleksibile të punës (67%) janë përfitimet më të mëdha të punës në distancë, sipas pjesëmarrësve në anketë.


Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Elena Karkallanova dhe ekipi “Lajme”

Përgatiti në shqip: Svetllana Dimitrova dhe Vesella Mançeva

Më shumë nga rubrika

Stojço Kacarov

Propozojnë reformimin e sistemit shëndetësor

Duhet të fillojnë negociata për ndryshimet në Marrëveshjen Kornizë Kombëtare dhe në modelin e sistemit të kujdesit shëndetësor, si dhe të hiqen limitet për shtigjet klinike, tha Ministri i Shëndetësisë Stojço Kacarov. Në një takim me udhëheqjet e..

botuar më 21-06-14 12.11.MD
Rosica Mateva

Po presin 800 makina të votimit nga Tajvani dhe 672 nga Holanda

Do të ketë më shumë se një makinë votimi në më shumë se 700 vendvotime në zgjedhjet parlamentare të 11 korrikut, tha para bTV Rosica Mateva, nënkryetare dhe zëdhënëse e Komisionit Qendror Zgjedhor (KQZ). “Nëse do të mbetemi me 9600 makina,..

botuar më 21-06-14 11.36.PD

Në 12 zona nuk ka të infektuar me Covid-19

42 janë rastet e reja të koronavirusit në vend. 1.21 për qind e 3470 testeve të kryera janë pozitive, sipas Portalit të Unifikuar të Informacionit. Më shumë të infektuar ka në qytetin e Sofjes - 7. Pastaj ndjekin rrethet e qyteteve Sliven,..

botuar më 21-06-14 9.07.PD