Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 436

Foto: Pixabay

Organizim i ri i imunizimit kundër Covid-19

Në një video-fjalim Ministri i Shëndetësisë Dr. Stojço Kacarov u bëri thirrje qytetarëve bullgarë që të vaksinohen. "80% e atyre që vdiqën nga Covid-19 ishin bashkatdhetarë tanët mbi moshën 60 vjeç. Ju kujtoj se vaksinimi është falas. Kohëzgjatja e masave anti-epidemike varet nga kur do të arrijmë imunitet kolektiv! Vaksinimi është falas. Çdonjëri duhet të vendosë vetë duke menduar për veten e vet dhe për të afërmit e vet! Unë nuk mund t’ju ruaj nga sëmundja, në qoftë se vetë ju nuk e dëshironi!” – tha Ministri Kacarov.

Nga 18 maji do të krijohen qendra logjistike në çdo bashki. Njerëzit mbi 60 vjeç dhe të sëmurët kronikë do të imunizohen atje nga e hëna deri të enjten. Nga e premtja deri të dielën do të vaksinohen të gjithë qytetarët, që kanë dëshirë, sipas rendit të regjistrimit të tyre.


3.5% janë të infektuarit me Covid-19 gjatë 24 orëve të fundit

151 janë rastet e reja të koronavirusit në vend gjatë 24 orëve të fundit. Testet e kryera janë 4309, tregojnë të dhënat zyrtare. 3.5% e mostrave janë pozitive. Më shumë të infektuar ka në Burgas – 2, rrethet e qytetit të Sofjes - 25, Varna - 22.

34 458 pacientë janë me simptoma të shfaqura. 4858 pacientë janë të shtruar në spital. 499 trajtohen në njësitë e kujdesit intensiv.

Nëntë njerëz me Covid-19 të diagnostikuar kanë vdekur në 24 orët e fundit. 148 njerëz u raportuan të kuruar.

3390 janë vaksinat e injektuar në harkun e shënuar kohor. Me to numri total i vaksinave të bëra në Bullgari janë 1 116 741. 414 729 njerëz u imunizuan me nga dy vaksina.


Bashkohemi në kontratat e KE me Pfizer për 2 vjet

Qeveria ka vendosur të bashkohet me marrëveshjen që Komisioni Evropian arriti për vaksinat Pfizer për vitet 2022 dhe 2023. Kështu, vaksinat do të sigurohen për dy vitet e ardhshme, nëse është e nevojshme. Kjo u njoftua në një konferencë nga Ministri i Shëndetësisë Stojço Kacarov.

Sipas kontratës për furnizimin e vaksinave në dy vitet e ardhshme, vendi ynë duhet të marrë gjithsej 14 milion vaksina.

Kacarov gjithashtu tha se sipas tij nga këndvështrimi i menaxhimit të krizës, nuk është e nevojshme të vazhdojë puna e Shtabit Operativ Kombëtar. “Gjëja e rëndësishme është të bindim njerëzit që përballimi i krizës varet nga të gjithë. Detyra ime është të organizoj procesin”, shtoi Kacarov.


Sistemi bullgar i certifikimit për Covid-19 është i integruar me atë evropian

Më 14 maj përfundoi integrimi i sistemit bullgar të certifikatës digjitale që vërteton imunizimin kundër Covid-19, një test negativ ose prania e antitrupave pas një infeksioni koronavirus, me sistemet e vendeve të tjera evropiane. Kjo u njoftua nga Ministri i përkohshëm i Transportit, Teknologjisë së Informacionit dhe Komunikacioneve Georgi Todorov. Certifikata e vetme Evropiane e Gjelbër Digjitale pritet të hyjë në fuqi më 1 qershor në mënyrë që të lehtësojë lëvizjen e lirë në BE.

Todorov gjithashtu njoftoi se 500 000 receta elektronike u lëshuan tashmë në vend. Sistemi përdoret në mënyrë aktive nga mbi 2300 mjekë të përgjithshëm dhe 2100 farmaci. Një urdhëresë aktuale përcakton që pas 1 qershorit, recetat në letër do të zëvendësohen plotësisht nga ato elektronike.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.



Përpiloi: Joan Kolev dhe Ekipi “Lajme”

Përgatiti në shqip: Vesella Mançeva dhe Svetllana Dimitrova



Më shumë nga rubrika

Bullgaria dhe Rumania do të kenë qasje në sistemin e informacionit të vizave të BE

Bullgaria dhe Rumania kanë përfunduar me sukses testet teknike të kërkuara për t'u lidhur me Sistemin Evropian të Informacionit të Vizave (VIS). Nga korriku, autoritetet kufitare të të dy vendeve do të kenë të drejtën për të hyrë në informacionin që..

botuar më 21-06-18 3.47.MD

Bashkatdhetarët tanë jashtë vendit gjithnjë e më pak po mbështesin financiarisht të afërmit e tyre në Bullgari

Paratë që emigrantët bullgarë dërgojnë nga jashtë për familjet e tyre në Bullgari janë ulur gati pesë herë për periudhën janar-prill 2021 krahasuar me të njëjtën periudhë në vitin 2020. Sipas Bankës Popullore Bullgare prillin e kaluar bullgarët..

botuar më 21-06-18 3.13.MD

KQZ do të shtypë edhe fleta të votimit për zgjedhjet e jashtëzakonshme

Pavarësisht nga votimi në makinë, Komisioni Qendror Zgjedhor - KQZ hapi një procedurë për një prokurim publik për shtypjen e fletëve të votimit për zgjedhjet parlamentare të 11 korrikut. Kjo do të bëhet me negociata pa njoftim paraprak. Procedura..

botuar më 21-06-18 12.37.MD