Studentët kthehen në universitete, stadiumet hapen 50 për qind

Që nga sot hiqet ndalesa për zhvillimin e mësimdhënies në shkollat e larta, thuhet në një urdhër të Ministrit të Shëndetësisë.

Me urdhrin e njëjtë që nga sot lejohet edhe zhvillimi i garave sportive para publikut deri në 50% prej kapacitetit. Është e detyrueshme distanca prej të paktën 1 metër e gjysmë dhe mbajtja e maskave.

Sonte zhvillohen finalet për Kupën e Bullgarisë. Pas urdhrit ndeshja në Sofje midis Arda 1924 /Kërxhali/ dhe CSKA /Sofje/ do të mund të shihet live nga një publik prej 20 000 vetash.

Të shëruarit nga Covid-10 në 24 orët e fundit janë 6 herë më shumë se sa të infektuarit

457 janë rastet e reja të koronavirusit në vend. 3.3 për qind e 13 794 testeve të kryera janë pozitive, sipas Portalit të Unifikuar të Informacionit. Numri më i lartë i njerëzve të infektuar rishtas është në qytetin e Sofjes - 67. Ndjekin rrethet e qyteteve Varna me 39, Plovdiv me 35 dhe Sofje me 32. Asnjë rast i vetëm nuk është i regjistruar në rrethin Razgrad.

Vazhdon rënia e shtrimeve në spital. Në spital  trajtohen 4379 pacientë ose 213 më pak se një ditë më parë. 485 janë në njësitë e kujdesit intensiv. Pacientët e regjistruar të sëmurë janë 30 483.

Të vdikurit me Covid-19 në 24 orët e fundit janë 36 njerëz. Të shëruarit janë 2782.

U dhanë 26 071 doza vaksinash në 24 orët e fundit. Numri i tyre i përgjithshëm arriti në 1 161 048. Me një cikël të përfunduar të imunizimit me 2 vaksina janë  440 924 njerëz.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Joan Kolev dhe Ekipi "Lajme"

Përgatiti në shqip: Vesella Mançeva dhe Svetllana Dimitrova