Bullgaria të bëhet anëtare e Marrëveshjes së Shengenit. Këtë e propozon një strategji të re të shpallur nga Komisioni Evropian, e cila synon ta bëjë zonën Shengen më të fortë dhe më të qëndrueshme.

“Bullgaria, Rumania, Kroacia dhe Qiproja duhet të përfitojnë plotësisht nga Shengeni”, tha Komisionerja e Punëve të Brendshme e BE Ilva Johansson. Strategjia i bën thirrje Këshillit të BE të vendosë të heqë kontrollin mbi Bullgarinë, Rumaninë dhe Kroacinë dhe t’i integrojë ato në zonën Shengen.

Komisioni kujton se Sofja dhe Bukureshti kanë përmbushur të gjitha kërkesat e nevojshme dhe kjo u gjet në vlerësimet e kryera në vitet 2010 dhe 2011. Sipas KE, strategjia e re “do të sigurojë menaxhim efektiv të kufijve të jashtëm të BE”.