Pavarësisht nga moti jashtëzakonisht i freskët për fillimin e qershorit, plazhet në bregdetin jugor të Detit të Zi janë gati për pushuesit. Që nga data 1 qershor, sipas kontratave për administrimin e plazheve, plazhet duhet të jenë të siguruara me roje shpëtimi dhe kujdes mjekësor. Akoma po priten turistët.
Përpara BNR-Burgas Vlladimir Kisjov nga Asociacioni i Koncesionarëve të Plazheve komenton vendimin e marrë nga qeveria që çdo një koncesionar në plazh vet të vendosë nëse të ul shërbimet në plazh apo jo:
“Pjesa më e madhe e kolegëve koncesionarë kanë bërë lëshimet përkatëse, që të mund të tërheqim turistë bullgarë, sepse e shikojmë se problemi me koronavirusin në Evropë dhe nëpër botë akoma ka një ndikim të madh mbi udhëtimet e lira. Pothuajse të gjitha fluturimet deri më 21 qershor sivjet nga Evropa Perëndimore deri në aeroportet tona në Detin e Zi - Varna dhe Burgas, janë të anuluar. Përndryshe, plazhet në Sllënçev Brjag, Nesebar, Sozopoll dhe në jug të Sozopollit janë të përgatitur dhe të pajisur me roje shpëtimi dhe shërbim mjekësor. Lutemi vetëm që moti të jetë i mirë!”
Vlladimir Kisjov pret një punë të forcuar të organeve të kontrollit nëpër det dhe më pak praktika jo të reglamentuara, të lidhura me çmimet e çadrave dhe të shezlongjeve, në krahasim me verën e kaluar. Në plazhet tona më të mëdha si ky në Sllënçev Brjag, rëra është spastruar dhe pa parazitë, janë të vendosura të gjitha çadrat dhe shezlongjet. Gjatë gjithë kësaj vere aty do të ndiqet të respektohen kërkesat për parrezikshmëri, përfshi dhe duke pasur parasysh epideminë e Covod-19. Çadrat duhet të jenë në një distancë prej 4,5 metrave njëra nga tjetra. Janë të siguruar dhe nëpunës të mjaftueshëm, të cilët të zhvillojnë dezinfektimin e pajisjeve për plazh pas çdo një turisti. Që të tria vijat e plazhit në vendpushim janë mbajtëse edhe gjatë kësaj vere të çmimit ekologjik ndërkombëtar “Flamuri blu”. Por pavarësisht nga të gjitha këto, vendpushimi akoma është bosh, thonë pjesëmarrësit në anketën e korrespondentes të Radios Kombëtare Bullgare në Burgas - Daniella Kostadinova:
“Mjerisht, Sllënçev Brjag më duket edhe më bosh sesa gjatë verës së kaluar. Nuk ka mjaftë turistë. Në godinën në të cilën jemi të vendosur, dëgjohet kryesisht gjuha ruse, por mbase këta janë dhe pronarët e pasurive këtu”.
“Nuk e di se përse thuhet se sezoni ka filluar, nuk ka shumë turistë”.
“Nuk punojnë të gjitha lokalet, akoma po bëhen remonte...”
Falas do të jenë aksesorët e plazhit në plazhin verior të Burgasit këtë verë. Me këtë, pronarët e plazhit i përgjigjen thirrjes së Ministrisë së Turizmit për t’u bërë një gjest turistëve. Simeon Cvetkov, përfaqësues i koncesionerit është skeptik se lehtësimet e premtuara nga shteti do të jenë të mjaftueshme që të mbulojnë shpenzimet e tyre:
“Taksa e koncesionit përbën vetëm një pjesë nga shpenzimet për stinën turistike. Të tjerat për pastrimin, sigurimin e plazhit, sigurimin e personelit mjekësor...E gjithë kjo supozon rritje të shpenzimeve. Në veçanti janë masat kundra Covid-19, të cilat çdo një lokal në plazh është i detyruar t’i respektojë . Çandrat janë më pak në numër, sepse distanca midis tyre duhet të jetë më e madhe. Kurse kjo supozon dhe të ardhura më të pakta e kështu me radhë.”
Pavarësisht nga fillimi i vështirë i sezonit veror pritjet mes pronarëve të plazheve nëpër bregdetin bullgar të Detit të Zi janë që ai të jetë më i mirë nga ai i vjetshmi.
Përpilues: Krasimir Martinov /në bazë të materialeve të BNR-Burgas/
Përgatiti në shqip: Nataniela Vasileva
Foto: BGNESNë kulmin e verës, ne kërkojmë freski në male, dhe muajt korrik dhe gusht janë më të ngarkuarit për hotelet dhe vendet e akomodimit përgjatë rrjedhës së sipërme të Ardës. Një pamje e re panoramike do të tërheqë pushuesit përgjatë shtigjeve të Rodopeve..
Me përgatitjen e 1500 akulloreve me shurup qershie mbrëmjen e sotme në sheshin “Velbëzhd” në Kjustendill , nis Festivali i Qershisë . Programi do të zgjasë tre ditë, njoftoi korrespondenti i BNR në qytet Kirill Falin. Posaqërisht për..
Nga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..