Radioja Kombëtare Bullgare © 2021 Të gjitha të drejtat janë të rezervuara

Formimi i një qeverie vepruese pas zgjedhjeve është një hipotezë gjithnjë e më e mundshme

Foto: Ani Petrova

Kaloi dita e fundit në të cilën partitë dhe koalicionet mund të regjistronin listat e tyre të kandidatëve për zgjedhjet e parakohshme të 11 korrikut. 18 parti dhe 9 koalicione janë regjistruar për të marrë pjesë në votim. Cilat janë hipotezat për formimin e një qeverie vepruese pas zgjedhjeve? Përgjigjen e kësaj pyetjeje po e kërkojmë me ndihmën e sociologut Përvan Simeonov, analistit financiar Svetozar Gledaçev dhe gazetarit Illhan Andaj. E përbashkëta midis tre mendimeve është që një qeveri do të formohet - si për shkak të informacionit inkriminues të botuar nga SHBA në lidhje me modelin aktual politik dhe ekonomik në vendin tonë, si dhe për shkak të ndryshimeve në Kodin Zgjedhor të ndërmarra nga Legjislatura e 45-të e Kuvendit Popullor, të cilat do t’i japin mundësi votës së bullgarëve jashtë shtetit për të luajtur një rol serioz për arritjen e mandateve të mjaftueshme, të cilat nga ana e vet ta ndihmojnë formimin e formulave të suksesshme të koalicionit.

Nga heqja e kufizimit për numrin e seksioneve jashtë vendit mund të përfitojë një parti si Lëvizja për të Drejtat dhe Liritë (DPS) /parti centriste në Bullgari, e cila përkrahet kryesisht nga turqit etnikë dhe myslimanët e tjerë në Bullgari/, por kjo ende nuk garanton një sukses kategorik elektoral, sepse një pjesë e votuesve të tyre janë të zhgënjyer dhe do ta kenë të vështirë t'i mbështesin përsëri.

Shumë prej atyre që votuam për “Demokratët për Përgjegjësi, Liri dhe Tolerancë” (DOST) /parti politike me në krye Ljutvi Mestan, ish anëtar i DPS/ ka pak të ngjarë ta përkrahin DPS, një përqindje e madhe prej tyre besojnë verbërisht në Erdogan dhe ndihen paksa të tradhtuar, por ka një muaj për të shpjeguar koston e këtij kthimi prapa, "tha gazetari Illhan Andaj -  pronari i një prej sajteve informative në Bullgari, duke komentuar vizitën e udhëheqësit të DPS Mustafa Karadajë tek Presidenti turk. U bë e qartë se Erdogan vazhdon të shohë një mundësi për partneritet me DPS në favor të GERB.

Mandati i shkurtër i Kuvendit të 45-të Popullor hapi rrugën për një rezultat më të mirë jo vetëm për DPS, por edhe për partitë e protestës, të cilat përfituan jo vetëm nga ndryshimet në Kodin Zgjedhor, por edhe nga mundësia për të vazhduar fushatën e tyre zgjedhore gjatë seancave plenare dhe atyre të komisioneve - është i bindur sociologu nga agjencia Gallup Përvan Simeonov.  Sa i përket sulmit të SHBA kundër Deljan Peevskit si një faktor në jetën politike në vend, z. Simeonov bëri këtë konkluzion:

"Është e mundur që Peevski të ndikojë më shumë mbi GERB, sepse votuesit do t'i thonë vetes se qeveria aktuale është komprometuar dhe duhet të marrë pasojat e veprimeve të veta". Sigurisht, GERB mund të luajë kartën më të fortë - ata mund të thonë se njerëzit e përmendur nga Shtetet e Bashkuara, të tilla si Vasill Bozhkov dhe Aleksandër Manolev, tashmë janë ndjekur nga vetë ata ".

Nevoja për të formuar një shumicë të qëndrueshme për të mbështetur formimin e kabinetit tjetër të rregullt mund të gjendet gjithashtu në dëshirën e modelit të deritanishëm politik për t'i bërë ballë erozionit serioz, duke lejuar vetëm shpërbërjen e tij të pjesshme.

Sipas analizatori financiar Svetozar Gledaçev "resursi i korrupsionit te ne, i cili llogaritet për mbi 20 mlrd në vit, tashmë është shpërndarë dhe u jepet disa prej partive të reja, jo të gjitha, disa partive të reja kryesore, vetëm për të goditur grupin e parë dhe ndoshta grupin e dytë të firmave, pa u zbuluar të gjitha firmat dhe personat e lidhur ".

Përpiloi: Joan Kolev /mbi intervistat e Ljudmilla Zhelezovës dhe Sillvija Velikovës/

Përgatiti në shqip: Vesella Mançeva

Më shumë nga rubrika

Bullgaria prapë është në një ritëm parazgjedhor

Që nga sot, 11 qershor, Bullgaria prapë hyn në një fushatë parazgjedhore, pasi asnjë nga partitë në Legjislaturën e 45-të të Kuvendit Popullor, zgjedhjet për të cilën u zhvilluan më 4 prill të këtij viti, nuk arriti të formojë kabinet. Zgjedhjet e..

botuar më 21-06-11 1.52.MD
Edi Rama dhe Rumen Radev

Presidenti Radev konfirmoi mbështetjen e Bullgarisë për fillimin e bisedimeve të Shqipërisë për anëtarësim në BE

Integrimi evropian i vendeve të Ballkanit Perëndimor është në interes të tërë regjionit ballkanik dhe të Bashkimit Evropian. Bullgaria do të vazhdojë të mbështesë përpjekjet e fqinjëve të saj në këtë proces. Këtë e deklaroi Presidenti Rumen Radev..

botuar më 21-06-09 1.20.MD
Dy kryeministrat Edi Rama dhe Stefan Janev

Kryeministri Stefan Janev shqyrtoi perspektivën evropiane të Shqipërisë me Edi Ramën

Kryeministri Stefan Janev u takua me Kryeministrin e Shqipërisë Edi Rama, i cili është për vizitë në Bullgari më 8 dhe 9 qershor. Të dy kryeministrat diskutuan marrëdhëniet dypalëshe, çështjet aktuale në agjendën evropiane dhe rrugën e Shqipërisë..

botuar më 21-06-08 11.07.MD