Radioja Kombëtare Bullgare © 2021 Të gjitha të drejtat janë të rezervuara

Votimi i bullgarëve jashtë shtetit – një problem me disa të panjohura

Foto: arkiv

Në javët e fundit vendi diskutoi sigurimin e votimit me makina në zgjedhjet e parakohshme parlamentare të 11 korrikut. Çmimi i ofruar nga furnizuesi i pajisjeve e detyroi kabinetin të ndërpresë prokurimin publik për furnizimin e 1500 pajisjeve shtesë. Kjo gjithashtu ngriti një numër çështjesh, bisedimet për të cilat po vazhdojnë. Po kërkohet një opsion optimal që të respektohet teksti i Kodit Zgjedhor, sipas të cilit duhet të ketë makina kudo ku në zgjedhjet e fundit kanë votuar të paktën 300 votues.

"Me makinat të cilat disponon Komisioni Qendror i Zgjedhjeve (KQZ) për momentin e tanishëm, votimi në vend mund të sigurohet lehtësisht," ishte kategorik ish-deputeti Martin Dimitrov në një intervistë për BNR-Horizont.

Martin Dimitrov

 "Makinat shtesë duhet të sigurohen për sektorët jashtë vendit. Përveç kësaj, ekziston një ide e mirë e anëtarëve të KQZ-së aktuale - në seksionet e mëdha në qytetet më të mëdha të sigurohen nga dy makina, që të mos ketë nevojë të presësh gjatë për të votuar ".

Sidoqoftë, Nënkryetari i KQZ-së Stoill Cicellkov është skeptik për zhvillimin e votimit me makina jashtë vendit:

Stoill Cicellkov

"Unë ende po besoj se votimi me makina jashtë nuk do të ndodhë," tha ai. - Nuk ka një praktikë të tillë. Ne, si Këshill Publik pranë KQZ, studiojmë praktikat e mira të shteteve të ndryshme dhe ofrojmë ato që janë të zbatueshme në vendin tonë, në realitetin tonë. Nuk ka praktikë të dërgimit të makinave në destinacione të ndryshme nëpër botë ".

Përveç votimit me makina, në zgjedhjet e mëparshme bullgarët jashtë vendit insistuan gjithashtu për lehtësime të tjera që do t'i lejojnë ata të ushtrojnë lirisht të drejtën e tyre ligjore për të votuar. Midis tyre është krijimi i një zonë elektorale të veçantë "Jashtë shtetit". Ajo u miratua me ndryshime në Kodin Zgjedhor, por metodologjia sipas së cilës do të shpërndahen mandatet nuk ishte rregulluar. Kështu, në praktikë, ideja nuk do të realizohet në zgjedhjet e ardhshme parlamentare.

Ndryshimi më i rëndësishëm në votimin e bashkatdhetarëve tanë jashtë vendit është heqja e kufizimeve për numrin e seksioneve në vendet jashtë Bashkimit Evropian. Kufizimi i tyre në 35 seksione deri kohët e fundit vështirësonte votuesit, të cilët duhej të udhëtonin qindra kilometra dhe disa prej tyre pas kësaj hiqnin dorë për shkak të radhëve të gjata të formuara para seksioneve.

Votimi jashtë mbetet gjithashtu një sfidë për shkak të një numri paqartësish në lidhje me plotësimin e fletëve të votimit dhe formularëve, si dhe me statusin e detyrueshëm të qëndrimit, të nevojshëm për të gjithë qytetarët e shteteve anëtare të BE-së që jetojnë dhe punojnë në Mbretërinë e Madhe. Afati i fundit për marrjen e statusit është 30 qershori i këtij viti, dhe sipas Ministrisë së Brendshme Britanike, aplikimet e vonuara për këtë aktualisht arrijnë në të paktën 305 000.

Pavarësisht nga momentet dhe vështirësitë e paqarta, votimi i bullgarëve jashtë provokon një interes të madh. Nëse më shumë bashkatdhetarë tanët do të ushtrojnë të drejtën e tyre të votimit më 11 korrik, këtë do ta mësojmë së shpejti.

Përpiloi: Joan Kolev (mbi intervistat e Sillvija Velikovës dhe Diana Donçevës)

Përgatiti në shqip: Vesella Mançeva

Foto: BGNES dhe arkiv

Më shumë nga rubrika

Pamje nga qyteti Kjustendill viti 1927 / Foto: Muzeu Historik Regjional Kjustendill

Një arkiv digjital do të ruajë gjallë historinë e trashëgimisë sonë industriale

Fabrika, pajisje hekurudhore, ura, thertore, të cilët kanë përfshirë në veten e vet historinë e zhvillimit të stuhishëm të industrisë nga dhjetëvjeçarët e parë të shekullit të kaluar, sot rrëzohen ose “vetëndizen” dhe shkatërrohen. Që të ruajë..

botuar më 21-06-12 12.45.MD

“Fryma e Luginës” – një makinë futuristike krijuar nga nxënësit

Një automobil unik që vihet në lëvizje me bateri elektrike krijuan nxënësit e Gjimnazit Profesional të Transportit dhe Menaxhimit të Transportit në qytetin Kazanllëk. Ai ka emisione zero dhe efikasitet të lartë energjetik. Kjo makinë u punua..

botuar më 21-06-12 8.15.PD

Lokomotiva më e re e Hekurudhave Shtetërore Bullgare mban emrat e dy mbretërve bullgarë

Lokomotiva më e re e Hekurudhave Shtetërore Bullgare, e cila është e 11 me radhë nga dorëzimi i 15 lokomotivave të reja Smartron, mbërriti para afatit para disa ditës në Bullgari dhe tashmë bëri disa udhëtime. Kjo është lokomotiva e parë e cila do..

botuar më 21-06-12 7.15.PD