Presidenti Rumen Radev i dorëzoi flamurin kombëtar delegacionit olimpik bullgar, i cili do të marrë pjesë në Lojërat Olimpike në Tokio. Kreu i shtetit përgëzoi atletët për kuotat olimpike të fituara.

“Të gjithë e dimë se në 18 muajt e fundit, sporti, lëvizja olimpike dhe stërvitja juaj iu nënshtruan sfidave të papara, në të cilat ju keni treguar se çfarë do të thotë frymë sportive dhe vullnet për të fituar”, tha Radev.

Presidenti uroi që atletët të valëvitin me krenari trengjyrëshin bullgar në Japoni. “Luftoni me dinjitet, tregoni më të mirën prej jush dhe dini se ne do të jemi me ju gjatë gjithë kohës”, tha kreu i shtetit.