Pavarësisht nga largësia e kryeqyteteve Sofja dhe Algjeri në mbi 1800 kilometra, të dyja vendet kanë marrëdhënie shumëvjeçare diplomatike. Fillimi i tyre është vënë gjatë vitit 1962, kur Algjeria fiton luftën e cila ka zgjatur 8 vjet, për pavarësinë e vet nga Franca. Ambasada e Algjerisë në Bullgari ekziston që nga viti 1963. Që atëherë deri në vitin 1989, në shtetin afrikano verior punojnë më shumë se 7 mijë bashkatdhetar tanë me një kualifikim të lartë - mjekë, agronomë, inxhinierë, ndërtues e të tjerë. Me ndihmën e tyre janë ndërtuar rrugë, ndërtesa dhe diga.
“Kur erdha në Bullgari përpara 6 vjetëve, me një kënaqësi të madhe zbulova disa nga këta njerëz, të cilët kishin punuar në Algjeri ose fëmijët e tyre, të cilat kanë mësuar gjatë asaj kohe aty. Me këta miq tanë bullgarë gjatë vitit 1994 është krijuar Shoqata e Miqësisë Bullgari-Algjeri”, - sqaroi në një intervistë për Radio Bullgarinë Shkëlqesia e saj Latifa Benazza , ambasadore e Algjerisë në Bullgari. Me të ne vazhdojmë të punojmë për popullarizimin e historisë dhe të kulturës së Algjerisë, përmes shfaqjeve të shumta në vende të ndryshme nëpër Bullgari. Bashkëpunimi është shumë i dobishëm dhe për algjerianët, të cilët do të donin të mësojnë më shumë për Bullgarinë”.
Një dëshmi për bashkëpunimin intensiv midis të dyja shteteve është linja ajrore e drejtpërdrejtë që ekzistonte deri në vitin 1999 midis dy kryeqyteteve.
“Që të hapim një linjë të tillë, ajo duhet të jetë rentabile - është kategorike Latifa Benazza. Është e nevojshme fillimisht të zhvillojmë lidhjet ekonomike, që të ketë interes për një këmbim intensiv - ekonomik dhe turistik. Përpara mbylljes së vet gjatë vitit 1999, linja direkte ishte shumë fitimprurëse. Tani fare vonë rivendosëm linjën direkte me Budapestin, kështu që nuk shikoj se përse në një moment të caktuar të mos e bëjmë dhe me Sofjen.”
Ambasadorja e Algjerisë tek ne është e bindur në mundësitë serioze për këmbim midis të dyja shteteve:
“Ka me të vërtetë një potencial të madh për zhvillim dhe thellim të bashkëpunimit. Do të doja t'i kushtoj vëmendje bujqësisë. Algjeria është një vend i gjerë dhe i madh, kurse Bullgaria ka një përvojë të vlefshme në këtë fushë. Aktualisht po realizohen disa projekte të vogla, por ambicia jonë është të bëjmë diçka shumë më të madhe. Është i mundur dhe një krijim i përbashkët të ndërmarrjeve përpunuese për fruta dhe perime, të cilat të shiten në Bullgari, Algjeri dhe në vende të tjera nga Afrika. Projekte të ngjashme mund të realizohen dhe në fusha të tjera. Bullgaria është e njohur me trëndafilin vajdhënës dhe me produktet, të cilat prodhohen prej tij. Ato meritojnë të njihen gjerësisht në Algjeri dhe në të gjithë Afrikën”.
Sfera të tjera, në të cilat Algjeria dhe Bullgaria mund të gjejnë pika afruese janë industria farmaceutike, kozmetika, teknologjitë informative, industria ushqimore dhe turizmi. Në pjesën më të madhe të këtyre fushave tanimë janë firmosur marrëveshje, të cilat mbetet të zbatohen në praktikë.
Klima dhe reliefi i Algjerisë e bëjnë vendin jashtëzakonisht të favorshëm për turizëm. Pavarësisht nga kjo, ky destinacion akoma nuk është mes më të njohurit për turistët bullgarë. Sipas fjalëve të ambasadores algjeriane, turistët, të cilët e zgjedhin Algjerinë për pushim janë nga e gjithë Evropa, por numri i tyre nuk mund të arrijë pikën e shënuar tek ne gjatë vitit 2019 prej 8 milionë turistë të huaj.
“Kemi potencial për lloje të ndryshme të turizmit. Do të donim bashkë me Bullgarinë të zhvillojmë komplekset turistike, por të mos të lejojmë një turizëm në masë”- shënon Latifa Benazza.
Përgatiti në shqip: Nataniela Vasileva
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...