Festivali muzikor EXIT në Serbi është një nga ngjarjet më të mëdha dhe më të vizituara muzikore në Evropë. Pas një ndërprerje prej një viti, për shkak të pandemisë botërore nga COVID-19, gjatë muajit korrik festivali u kthye në Serbi me 20 skena dhe 200 000 vizitues nga e gjithë Evropa për katër ditë në kalanë emblematike Petrovaradin në Novi Sad. Me edicionin e sivjetshëm shënohet dhe 20 vjetori nga fillimi i historisë së tij muzikore. Kurse vetëm pas një jave do të duhet të shkruhet faqja e re e tij - edicioni i parë i EXIT në Bullgari.
Ekipi serb është tanimë në plazhin “Perla” në vendpushimin Primorsko, ku midis 29 dhe 31 korrikut do të zhvillohet maratona treditore muzikore me titull SUNLAND. Këngëtari Rushi Vidinliev, grupet “Ëpsurt”, “Animacionerët”, “Kerana dhe kozmonautët” “Jeremy”, “The top stoppers & “Uikeda” janë një pjesë nga muzikantët bullgarë, të cilët do të dalin në katër skenat e ndërtuara.
Publiku do të ketë mundësinë të shikojë akoma këngëtaren ruse dhe DJ Nina Kravic, dyshen franceze Ofenbach dhe grupin serb S:A:R:S:, këngëtaren britanike rap Dajana de Brito, e njohur si IAMDDB, Matador-DJ nga Dublin, i njohur me qëndrimin e vet revolucionar ndaj muzikës elektronike, yllin e tekno-skenës serbe Tijana T dhe dyshen boshnjake After Affair.
Territori i festivalit tek ne do të mbulojë 130 dynymë, kurse organizatorët premtojnë një transport të vazhdueshëm deri tek qytetet e afërta dhe vendpushimet.
Përpiloi: Vesella Krësteva
Përgatiti në shqip: Nataniela Vasileva
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Plovdiv Jazz Summer - programi veror i një prej festivaleve më të mëdha të xhazit në vend, Plovdiv Jazz Fest, filloi në mes të korrikut. Festivali..
E reja Zhaklin Tarakçi ka kënduar që e vogël dhe tashmë ka grumbulluar çmime të shumta, por popullaritetin e ka fituar më së shumti si fituese e..