Përfundoi takimi i parë nga ato të paralajmëruara për sot të "Ka një popull të tillë" (ITN) me "Ngrihu BG! Ne po vijmë!", "Bullgaria Demokratike" dhe "BSP për Bullgarinë", ku, siç njoftoi partia e showmanit Sllavi Trifonov, ajo paraqiti strukturën dhe përbërjen e projekt kabinetit të ri. Pas takimit, kryetarja e grupit parlamentar të "Ngrihu BG! Ne po vijmë" Maja Manollova tha se ata i kanë dëgjuar emrat e kandidatëve, por tani duhet të diskutohen nga grupi i saj. 

Kandidati për Kryeministër Pllamen Nikollov nuk pranoi t'u përgjigjet pyetjeve të gazetarëve. Ai vetëm tha se qeveria do të paraqitet së shpejti dhe në mënyrën e duhur, tha reporterja Maria Fileva.

U bë e qartë se projekt kabineti i ITN do të shpallet pas takimeve të sotme me grupet parlamentare nga të cilat pritet përkrahje.