Të ardhurat mesatare totale të një personi në një familje në tremujorin e dytë të vitit 2021 ishin 1894 leva (968 euro) dhe në krahasim me të njëjtën periudhë të vitit 2020, u rritën me 11.6 për qind.

Shpenzimet mesatare të një anëtari të familjes në tremujorin e dytë të vitit 2021 arritën në 1666 leva (852 euro) dhe u rritën me 20.3 për qind në krahasim me të njëjtin tremujor të vitit 2020, sipas Institutit Kombëtar të Statistikave.

Të ardhurat nga pagat u rritën nga 976 (499 euro) në 1108 leva (567 euro), d.m.th. me 13.5 për qind. Të ardhurat nga pensioni u rritën nga 481 (246 euro) në 547 leva (280 euro), ose me 13.7 për qind.

Në strukturën e të ardhurave totale, pagat (58.5 për qind) kanë pjesën më të lartë relative, të ndjekur nga të ardhurat nga pensionet (28.9 për qind) dhe vetëpunësimi (5.0 për qind).