Programi i ditës

Radioja Kombëtare Bullgare © 2021 Të gjitha të drejtat janë të rezervuara

Pllaja Devetashko – tërheqëse për turistët dhe predisponuese për bujqësinë ekologjike

7
Foto: devetakiplateau.org

Natyra ka formuar fenomene magjepse natyrore në rajonin e Pllajës Devetashko. E shtrirë në zonën Predballkan të malit Stara Pllanina, kufiri i saj verior arrin Rrafshinën e Danubit, ndërsa ai veriperëndimor kalon përgjatë një shkëmbi të pjerrët mbi lumin Osëm. Një e treta e territorit të pllajës është e zënë nga pyje, kur mbretëria e kafshëve është plotë sorkadhe, dre, dhelpra, ujqër, derra të egra, iriq dhe mace të egra. Nëpër shkëmbinjtë gëlqeror mund të hasen zvarranikë të mbrojtur, ndërsa hapësira kumbon me këngët e më se 80 llojeve të zogjve.

Në rajonin verior të Pllajës Devetashko shtrihet Kërpaçevo. Arkitektura e shtëpive të vjetra me mure të sheshta prej guri tërheq njohësit. Dhe jo vetëm këtë. Petja Genkova dhe Vlladimir Vasillev janë një familje e re, e cila zbuloi mrekullinë e këtij këndi bullgar rastësisht, dhe e ktheu në një shtëpi të vet pak para se pandemia të pushtojë botën. “Donim të shkojmë për të jetuar në fshat, në ndonjë vendbanim të vogël dhe të bukur, ku  të jetë më e qetë dhe Kërpaçevo ishte vendi ku u gjetëm”, tregon Vlladimir.

Vlladimir Vasillev

Duke braktisur kryeqytetin, ku kishin një shkollë për gjuhë të huaja, dëshira e familjes Petja dhe Vlladimir ishte të bëjnë në Kërpaçevo një fermë për kërmij. Situata pandemike dështoi furnizimin fillestar të kërmijve dhe ata mbollën patate. Kështu ata u orientuan me prodhimin e perimeve.

“Ne kemi një oborr të madh – 4 dynym, veçmas blemë një vend tjetër, i cili është 5 dynym. Aty prodhojmë perime në mënyrë të pastër, pa kimikate. Dhe për shkak se jemi vetëm ne të dy, dhe kjo është shumë punë, shtëpia qëndron në plan të dytë, duke pritur që të riparohet – shpjegon Petja. – Po, investojmë shumë punë, por doli se kemi miq të cilët shfaqin interes ndaj një lloji të tillë të ushqimeve dhe e realizojmë prodhimin kryesisht ndër ta.”

Me familjen Petja dhe Vlladimir u takuam gjatë festivalit muzikor “Xhaz nën yjet e Pllajës Devetashkoi cili për shtatë vjet me radhë u ofron adhuruesve të muzikës frymëzim veror.

“Pa dyshim kjo është veprimtaria më e rëndësishme në rajonin e pllajës – tregon Vlladimir. – Ajo organizohet nga “Shoqata “Devetashko Pllato” (Pllaja Devetashko) e cila përfshin dhjetë fshatra – përveç fshatit Kërpaçevo, ata janë Krushuna, ku janë Ujëvarat e mrekullueshme Krushunski, Kërkina, e njohur me Hanin Këkrinsko – vendi ku u kap Vasill Levski, Devetaki etj. Shpella Devetashka e cila ndodhet aty afër është shumë e madhe dhe është një objekt interesant për të vizituar. Edhe vet pllaja është shumë piktoreske. Ka shumë kafshë që mund të shihetnnë natyrë dhe kjo tërheq turistët. Në fshat vijnë dhe shumë turistë.”

Sot banorët e përhershëm në Kërpaçevo janë përafërsisht 60 veta, shumica e tyre të moshuar. Jetesa në fshat është e vështirë, kështu që banorët e tij në moshë pune e nxjerrin bukën e gojës në qytetet e afërta.

Arkitektura e fshatit është specifike dhe arkitektë nga kënde të ndryshme të Bullgarisë dhe botës vijnë në Kërpaçevo për të studiuar metodat e ndërtimit të mjeshtërve të vjetër – me argjilë, gëlqere, gurë. Ka projekte të cilët japin shpresë për gjallërimin e rajonit, thotë Petja:

Деветашка пещера

“Në sajë të Shoqatës “Devetashko Pllato” mulliri i cili është në hyrjen e fshatit do të rinovohet dhe do të kthehet në një Qendër të Informacionit Turistik, ku do të organizohen trajnime të ndryshme lidhura me zhvillimin e turizmit dhe veprimtari të tjera.”

Kështu një vit pas fillimit të aventurës së tyre në Kërpaçevo, Petja dhe Vlladimir janë të kënaqur nga zgjedhja. Vallë, a janë ata optimistë?

“Patjetër po. Ne erdhëm këtu rastësisht, por doli që ne erdhëm në vendin tonë”, është kategorike Petja.

Përgatiti në shqip: Svetllana Dimitrova

Foto: devetakiplateau.org, Petja Genkova


Më shumë nga rubrika

Malin Bistrin

Biznesi turistik është i shqetësuar për të panjohurën para stinës së dimrit

Pronarët e hoteleve alarmuan për anulime masive të rezervimeve pas vendisjes së masave të reja anti-epidemike. Ka edhe staf që largohet. Për shkak të nivelit të ulët të vaksinimeve, ka një rënie të interesit të turistëve të huaj për Bullgarinë si..

botuar më 21-10-22 11.26.PD

Shijoni Bullgarinë për ta njohur dhe dashuruar!

Tek ne turizmi fshatar po merr një vrull rreth pandemisë dhe po ecën dorë për dorë me turnetë kulinarike ose të ashtuquajturat turne “gastro” në kombinim me turne dhe udhëtime të ngadalta. Çdo një zonë e veçantë ka ushqimet e veta tipike si dhe..

botuar më 21-10-18 7.15.PD

Shkëmbinjtë e Bellogradçikut – balona, verë, biçikleta, varka me dragonj dhe emocione të tjera

Gjatë kësaj vere një popullaritet të gjerë fituan fluturimet me ballon mbi shkëmbinjtë e Bellogradçikut , kurse stina aktive turistike përfundoi me festën tepër të veçantë me balona në fund të muajit shtator. Atëherë mbi 10 balona prej disa..

botuar më 21-10-17 3.15.MD