Radioja Kombëtare Bullgare © 2021 Të gjitha të drejtat janë të rezervuara

Pllaja Devetashko kthehet në një qendër të xhazit

Foto: Facebook / Jazz nën yjet e Pllajës Devetashko

Që nga viti 2015 e këtej livadhi midis fshatrave Gorsko Slivovo dhe Kërpaçevo në rajonin e qytetit Loveç strehon adhuruesit e xhazit. Festivali “Jazz nën yjet e Pllajës Devetashko” sivjet fillon më 19 qershor në shpellën “Garvanica” pranë fshatit Gorsko Slivovo dhe do të vazhdojë me një koncert improvizimi të të gjithë muzikantëve në fshatin Kërpaçevo.

Mjeshtrja e improvizimeve xhaz Jëlldëz Ibrahimova është ylli i ftuar në program. Në afishen zbulojmë shumë muzikantë të njohur xhaz. Ndër ta është pianisti Zhivko Petrov i cili ka luajtur jo vetëm me shumë nga muzikantët më të njohur bullgarë, por edhe me të mëdhenjtë e rangut të Natalie Cole dhe Chico Freeman dhe të tjerë. Saksofonisti Dimitër Liolev  i cili gjithmonë arrin të realizojë një shprehje bullgare me theks të fortë nga folklori i rajonit të malit Rodopa, gjithashtu do të kënaqë adhuruesit e muzikës xhaz. Trombonisti Velisllav Stojanov dhe pianisti Atanas Milladinov do të shfaqen në skenë me vajzat e tyre - këngëtaret e reja Josifa Stojanova dhe Jana Milladinova


Në fakt, fëmijët janë në fokusin e festivalit dhe për ta parashikohet një program i veçantë ditën e së dielës. Kështu, nëse kushtet atmosferike janë të favorshme, publiku do të kalojë orë të këndshme duke shijuar interpretimet e disa prej emrave të mëdhenj të xhazit bullgar në një atmosferë të paimitueshme - të ulur mbi kashtë, të rrethuar me bar të gjelbër dhe të përkëdhelur nga perëndimi i diellit të qershorit. Dhe e gjithë kjo plotësisht falas.

Përpilues: Elena Karkallanova

Përgatiti në shqip: Svetllana Dimitrova

Foto: Facebook /Jazz nën yjet e Pllajës Devetashko

Më shumë nga rubrika

Interpretuesit e njohur bullgarë Miro dhe Nina Nikolina në një bashkëpunim mjaft interesant

Kënga “Çamçakëzët” është nga albumi i ri i Miros “Mirogled” (“Botëkuptimi”), i cili u promovua gjatë muajit mars dhe bashkon 13 tituj të rinj. Në këngë Miro ikën nga stili i tij karakteristik melodik. Në aranzhim janë përfshirë timbre, të..

botuar më 21-07-25 2.35.MD

Bullgaria bëhet për herë të parë mikpritëse e EXIT

Festivali muzikor EXIT në Serbi është një nga ngjarjet më të mëdha dhe më të vizituara muzikore në Evropë. Pas një ndërprerje prej një viti, për shkak të pandemisë botërore nga COVID-19, gjatë muajit korrik festivali u kthye në Serbi me 20 skena..

botuar më 21-07-25 8.45.PD

"Këtu pranë meje" – albumi i ri i këngëtares së re të muzikës pop Neli Petkova

"Këtu pranë meje" është balada e cila ia dha titullin albumit të ri të Neli Petkovës . Kënga tregon për dashurinë që të jep forcën për t’i fshirë dhimbjet nga e kaluara që të mund të ecësh përpara. Muzika është nga Spas Lazarov, Dejan Asenov..

botuar më 21-07-24 11.55.PD