“Kthimi i qytetit Varna në një qytet special detar, do të jetë një kusht për jetesën e popullsisë. Qyteti do të jetë një krenari për Bullgarinë, emri i tij do të qëndrojë barazi me emrat e qyteteve Nica dhe Monte Karlo” - me këtë bindje, përpara rreth 100 vjetëve, kryetari i dikurshëm i bashkisë së qytetit Varna, Jordan Pekarev nxjerr një dekret për shpalljen e qytetit për një vendpushim detar të Bullgarisë.

Sot, një shekull më vonë, nxënës dhe studentë na rikujtojnë bukuritë e kryeqytetit detar të Bullgarisë në dhjetë filma argëtues-edukativ. Ata janë të krijuar në bazë të projektit “Qyteti, i puthur nga deti - Youth street”, kurse të rinjtë janë aktorë, regjisorë dhe skenaristë të historive. Çdo një nga filmat është me një kohëzgjatje prej 30 minutave. Ata tregojnë historinë e teatrit vendas, arkitekturën e Varnës, ngjarjet e rëndësishme kulturore dhe mjeshtëritë e kulinarisë. Temat kalojnë përmes vendeve më të preferuara në qytetin detar dhe në rajon për një turizëm shpirtëror dhe pelegrinazh dhe arrijnë deri tek aksentët në mjedisin qytetar në qytetin e Varnës, të preferuara për selfie.

Gradualisht të gjithë filmat do të ngarkohen në YouTube, Youth street-Varna, si dhe në median informative të rinisë Youth Street-Varna.

Përgatiti në shqip: Nataniela Vasileva