Programi i ditës

Radioja Kombëtare Bullgare © 2021 Të gjitha të drejtat janë të rezervuara

Bullgaria në prag të një fushate zgjedhore 2 në 1

Foto: BGNES

22 parti dhe 7 koalicione do të marrin pjesë në zgjedhjet e ardhshme për përbërjen e Legjislaturës së 47 të Kuvendit Popullor më 14 nëntor. Është e mundur që numri i tyre të pakësohet, pasi nënshkrimet e paraqitura për regjistrimin e tyre duhet të verifikohen. Më 13 tetor Komisioni Qendror i Zgjedhjeve do të përcaktojë me short numrin të cilin do ta marrin partitë në votim, kurse më 15 fillon fushata parazgjedhore.  Ajo do të jetë mbi parimin “dy në një”, meqenëse në të njëjtën datë -14 nëntor, ne bullgarët  do të zgjedhim dhe kreun e shtetit. Përveç kandidaturës së  Rumen Radevit dhe Iljana Jotovës për president dhe nënpresident, të ngritur nga Këshilli Publik dhe tanimë të mbështetur nga formacionet e reja politike “Ka një popull të tillë” dhe “Po e vazhdojmë ndryshimin”, dhe po kështu dhe nga Partia Socialiste Bullgare e majtë, nominimet e shumicës së lojtarëve të tjerë kryesorë politikë nuk janë ende të qarta – GERB, “Bullgaria Demokratike” dhe “Lëvizja për të drejtat dhe liritë”.

Disa janë momentet kureshtare, të cilat meritojnë vëmendje dhe një analizë në këtë moment. Për herë të parë në historinë demokratike 30 vjeçare të Bullgarisë, në të njëjtën ditë do të përkojnë votimi për president  dhe nënpresident  dhe zgjedhjet parlamentare. Akoma nuk ka mendime kategorike nëse ky fakt do të forcojë aktivitetin zgjedhor, i cili në  votimin e fundit  për përbërjen e Kuvendit  Popullor  nuk mundi të kalojë 50% (42.19%).

Nga ana tjetër qëndron çështja se çfarë fitojnë partitë si GERB dhe “Bullgaria Demokratike”, të cilët u vonuan mjaftë me shpalljen e kandidaturave të veta për postin presidencial. Në këtë sfond, kandidaturat tanimë të njohura, ndër të cilat janë ato të liderëve të partive “ Vëzrazhdane”/ Rilindja/ dhe “Ataka” /Sulmi/ - Kostadin Kostadinov dhe Volen Siderov, këngëtarja popullore  Lluna Jordanova dhe ish zëvendëskryeministri në qeverinë e Dimitër  Popovit - Aleksandër  Tomov  parashikojnë që Rumen Radevi dhe Iljana  Jotova  pa pengesa të mund të arrijnë deri në raundin e dytë më 21 nëntor.

Ku dhe cilët janë kandidatët e partive drejtuese? - mbi këtë çështje gjykojnë analizatorët. Sipas Strahill Delijskit sjellja e partisë GERB është jo e logjikshme dhe jo respektuese ndaj zgjedhësve të tyre:

Strahill Delijski

“Ata afro dy 2 vjet po e sulmojnë presidentin Radev, por ne po vazhdojmë të mos të dimë se çfarë alternative po propozojnë kundërshtarët  më të mëdhenj  të udhëheqësit të tanishëm të shtetit.  Borisovi u ka borxh votuesve të tij dhe ai duhet të jetë kandidati presidencial i partisë GERB” - qe më se kategorik Delijski përpara Radios Kombëtare Bullgare.

Politologu rikujtoi po kështu se ashtu siç Partia Socialiste Bullgare përpara viteve, partia GERB po kështu gjendet në një krizë, nga e cila rrugëdalja e mundshme është pikërisht kandidatura e ish kryeministrit Bojko Borisov për president. Ai duhet të ndjekë shembullin e Georgi Përvanovit /president në periudhën e viteve 2002-2012/, i cili mundi të fitojë zgjedhjet  dhe të nxjerrë partinë e tij nga izolimi.

Kurse Georgi Kirjakov mbetet skeptik sesa fitimprurëse mund të jetë një lëvizje e tillë:

Georgi Kirjakov

“Borisovi  nuk do t'i kundërvihej Radevit  si kandidat presidencial nëse nuk do të ketë garanci të forta se do t'i fitojë këto zgjedhje.  Të mos të flasim se ka një refleks tek zgjedhësit, të cilët, nëse Borisovi i përballet Radevit , do të votojnë në masë kundra tij, pavarësisht nga fakti nëse e pëlqejnë ose jo Radevin.  Një pyetje e logjikshme gjatë zhvillimit të zgjedhjeve 2 në 1 është, cila nga dy llojet e fushatave do të mbizotërojë dhe do të ndikojë që votuesit të ushtrojnë të drejtën e tyre për të votuar:

“Fushata presidenciale do të ketë epërsi - komenton dhe Boris Popivanov në një intervistë të dhënë përpara Radios Kombëtare Bullgare.

Boris Popivanov

Tani për tani mungojnë pozita të qarta të shprehura prej partive të ndryshme për çmimin e korrentit, inflacionin dhe Covid-krizën. Që të mund t’i shmangen bisedës për problemet dhe reformat e nevojshme,  për partitë është shumë më komforte që të përqendrohen mbi betejën presidenciale dhe të mund ta tërheqin dhe ta kthejnë debatin në ndërpersonal.”

Përpiloi: Joan Kolev

Përgatiti në shqip: Nataniela  Vasileva

Foto: BGNES, arkiv


Më shumë nga rubrika

A do të ketë Bullgaria qeveri pas zgjedhjeve të radhës këtë vit?

Seanca e parë e përbërjes së re të Legjislaturës së 47-të të Kuvendit Popullor do të mbahet më 3 dhjetor, njoftoi shërbimi për shtyp i Kreut të Shtetit. Ndërkohë përfundoi raundi i parë i bisedimeve për formimin e qeverisë së koalicionit me mandat..

botuar më 21-11-30 7.15.PD
Në Liceun Teorik Bullgar “Vasill Levski” në Kishinau

Nënpresidentja Ilijana Jotova – midis mandatit të vjetër dhe atij të ri

Mungesa e dialogut me dy institucionet e tjera të rëndësishme në vend - Kuvendin Popullor dhe Këshillin e Ministrave, ka penguar zbatimin e shumë ideve të Presidentit dhe Nënpresidentit në lidhje me politikat për bullgarët jashtë vendit. Kjo u bë e..

rinovuar më 21-11-29 12.38.MD

Ngjarjet me adresë ballkanike

Një koalicion i gjerë do të shpëtojë Rumaninë nga kriza Të dy partitë më të mëdha në Rumani ranë dakord për formimin e një qeverie. Kështu kapërcehet kriza tremujore politike, e cila bllokon përpjekjet e vendit të vonojë pandeminë e..

botuar më 21-11-26 2.19.MD
Подкасти от БНР