Programi i ditës

Radioja Kombëtare Bullgare © 2021 Të gjitha të drejtat janë të rezervuara

“Piano Extravaganza“ – një tufë lulesh vjeshte me kryevepra të pianos për adhuruesit e muzikës

Festivali mbahet nga 2 tetori deri më 9 nëntor

Foto: piano-extravaganza.com

“Piano Extravaganza“ është një nga ngjarjet më të pritura muzikore të vjeshtës tek ne – për shkak të programit, të përbërë prej veprave të panjohura ose të luajtura shumë pak në piano nga trashëgimia botërore muzikore, të ofruar prej interpretuesve të shquar.

Vet themelimi i festivalit gjatë vitit 2011 qe një ngjarje e rëndësishme - siç e dimë festivale të ngjashme nëpër botë pothuajse nuk ka. Krijues dhe drejtor artistik është pianisti ynë i njohur dhe pedagog Ljudmill Angellov. Ai gjithmonë nënvizon se “Piano Extravaganza“ për të është një ëndërr e realizuar dhe ka një vend special mes festivaleve të tjera, të cilat i organizon tek ne dhe në Spanjë, ku u vendos përpara disa dekada më parë.

Ljudmill Angellov

“Bëmë çdo gjë të mundur të mos të ketë një vit bosh, të vazhdojmë përpara në kushtet e Covid-19, si dhe vjet - tha përpara Radio Bullgarisë profesori Angellov. Kemi marrë të gjitha masat - 50% janë vendet e zëna në sallë, distanca - kushtet e zakonshme me të cilat, mjerisht sikur filluam të mësohemi. Mund të them se përsëri kemi një program të shkëlqyeshëm. U jam shumë mirënjohës artistëve, më në veçanti atyre, të cilët pranuan të udhëtojnë nga jashtë, që të mund të luajnë tek ne në këto kohëra të një kufizimi. Ky është një gjest vërtetë i madh.”

Në të gjitha edicionet e deritanishme aksenti kryesor është mbi recitalet pianistike. Sivjet ato janë pesë - nga përgjithësisht 9 koncerte.

“Hapja i është besuar Julian Trevelyan, i cili gjatë këtij viti u bë një nga fituesit e konkursit “Geza Anda” në Zvicër. Në këtë mënyrë shënojmë dhe 100 vjetorin nga lindja e patronit të këtij festivali-të rikujtojmë se  Geza Anda është një nga pianistët më të mëdhenj të shekullit të 20. Koncertin po e realizojmë me ndihmën e Geza Anda Foundation & Competition. Gëzohem shumë, se ky pianist i jashtëzakonshëm i ri britanik do të vijë për herë të parë në Bullgari. Recitali tjetër i organizuar në bashkëpunim me Ambasadën e Mbretërisë së Spanjës është e Antonio Soria. Ai do të prezantojë një program krejtësisht spanjoll... Vjen Alexander Molofeev, shpresa e re e shkollës ruse për piano. Jo rastësisht, maestro Valerij Georgiev e përkrah këtë talent, duke e ndihmuar të paraqitet. Më 2 nëntor është koncerti i Valeria Vasilenkos-një nga pianistet më të reja e më të shquara të Bullgarisë me çmime të shumta ndërkombëtare, e cila ia kushton paraqitjen e saj në kujtim të Dmitrij Bashkirov. Më 9 nëntor është mbyllja e festivalit me Szymon Nehrid, ylli i shkollës polake për piano, mbajtëse e çmimit të parë nga konkursi “Arthur Rubinshtein” International Piano Competition in Tel Aviv, kurse përpara se të vijë në Sofje do të marrë pjesë në konkursin e madh “Chopin” në Varshavë. 

Por, çfarë të presim akoma:

“Sipas traditës përfshijmë dhe një koncert me këngë, në të cilin do të kem kënaqësinë të jem në skenë me sopranon bullgare të njohur botërisht Krasimira Stojanova, më 17 tetor në sallën “Bëllgaria”. Duhet të them se, i gjithë festivali po zhvillohet në një partneritet me filarmoninë e Sofjes dhe është një pjesë nga Kalendari Kulturor i Bashkisë së Kryeqytetit, i përkrahur po kështu nga Ministria e Kulturës”.

Më 27 tetor festivali shënon 100 vjet nga lindja e Piakola - me koncert të ansamblit të dhomës, një pjesë nga i cili është vet Ljudmill Angellovi.

“Kemi dhe akoma dy ngjarje të tjera - koncert të Filarmonisë së Sofjes në të cilin do të ketë solo Valentina Lisitsa nga Ukraina - po kështu një interpretuese me famë botërore. Ky koncert është si të thuash, një peshqesh nga Filarmonia e Sofjes. Do të ketë dhe një “Duel të improvizimeve”, në të cilin Angell Nikollov dhe Martin Markov do të improvizojnë mbi tema, të dhëna në çast, kurse një juri do të përcaktojë fituesin. U formua një tufë interesante prej pianistëve me programe të ndryshme, të cilat do të kënaqin edhe dëgjuesit më kërkues.”

Përgatiti në shqip: Nataniela Vasileva

Më shumë nga rubrika

Shtëpia “Petko Stajnov”,  në qytetin Kazanllëk

Petko Stajnov – një krijues i dhuruar me intuitë dhe largpamësi profesionale

Një nga kompozitorët më të shquar bullgarë, aktivist i palodhur shoqëror, drejtues i institucioneve muzikore dhe kulturore, Akad. Petko Stajnov mbetet në historinë tonë si kompozitor i veprave thellësisht bullgare në tingëllimin e tyre melodik dhe..

botuar më 21-12-01 10.20.PD

Delja dhe kënga e saj “Ti nuk je”

Delja Harallampieva është këngëtare pop, artiste, autore e disa prej këngëve në repertorin e saj. Njëra prej tyre – “Ti nuk je” tash disa muaj është në BG Top 20 – klasifikimin e Radios Kombëtare Bullgare për muzikën pop dhe rok. Muzikën Delja e..

botuar më 21-11-29 11.34.PD
Musicology Live

„Musicology Live“ na takon me disa nga muzikantët më të mirë bullgar

Musicology Live është rruga e re e muzikës bullgare pop, soul, rock, funk, R&B. Në të na udhëheqin DJ Marten Roberto dhe shtesa unike në transmetimin e tij të së shtunës Muzikologjia në "Radio Sofja" në BNR. Premtimi është për një takim butik..

botuar më 21-11-29 7.15.PD