Programi i ditës

Radioja Kombëtare Bullgare © 2021 Të gjitha të drejtat janë të rezervuara

IT-specialistët nuk janë më të kërkuarit në tregun e punës në vendin tonë

Ekonomia bullgare vuan nga mungesa e stafit - ka ardhur koha për masa shpëtimi

Mbi 70% prej punëdhënësve nuk mund të gjejnë punonjësit për të cilët kanë nevojë

Foto: Pixabay

Tregu i punës në Bullgari ka ndryshuar shumë shpejt në dy vitet e fundit dhe nuk ka më vend për plane dhe strategji afatgjata. Gjithnjë e më e vështirë bëhet për biznesin të gjejë kuadro të kualifikuara me potencial për zhvillim dhe shprehi të krijuara të punës. Shkaqet për këtë mungesë akute të krahut të punës në këtë rast nuk janë pasojat e krizës së Covidit, por të shpopullimit të madh dhe plakjes së përhershme të popullsisë në Bullgari. Mungesa e stafit mund të çojë në një ngadalësim në të gjithë ekonominë në vendin tonë, prandaj nevojiten masa vendimtare për të dhënë një rezultat të shpejtë dhe të dukshëm në 6 muajt e ardhshëm. Ky është mendimi i kompanive kryesore punëdhënëse në vendin tonë, partnerë të Konfederatës Bullgare të Punësimit. Organizata joqeveritare ekziston që nga viti 2014 dhe bashkon kompani bullgare në sferën e HR shërbimeve.

Një sondazh i fundit jep qartazi për tendencat e tregut të punës tek ne. Konfederata Bullgare e Punësimit pyeti 826 punëdhënës prej 5 rajoneve në 12 sektorë industrial në Bullgari, nëse planifikojnë të shtojnë fuqinë punëtore në 6 muajt e ardhshëm ose ta zvogëlojnë atë.

Nga studimi ynë bëhet e qartë se 71% e punëdhënësve nuk mund të gjejnë njerëz për vendet vakante që kanë. Kjo përqindje vetëm përpara 9 vjetëve qe 42 - përgjithëson Nadja Vasileva, kryetare e Konfederatës Bullgare të Punësimit. Natyrisht që gjërat nuk ka sesi të rregullohen, nëse do të vazhdojmë në të njëjtën mënyrë. Por shkaku nuk është vetëm tek pandemia, struktura demografike nuk ka sesi të kthehet. Ky trend i rënies dhe plakjes së popullsisë nuk ndihmon, nuk ka kuadro të rinj që mund të ngarkojnë tregun e punës. Nëse e vërejmë statistikën, pavarësisht nëse jemi në kushte pandemie apo jo, shikojmë senë mënyrë fare të qëndrueshme popullsia e Bullgarisë po tretet.  Në mënyrë kategorike mund të pohohet se ne në Bullgari po tretemi me nga 6 persona për një orë /12 vdesin dhe 6 lindin/. Duket qartazi se duhet të kërkohet zgjidhje - të drejtohemi ndaj importit të synuar të specialistëve të nevojshëm prej të cilëve ka nevojë tregu. Më rëndësi është që të bëhet një llogari më e detajuar, të pyeten të gjithë punëdhënësit se prej çfarë kanë nevojë tani dhe për çfarë pas një viti”.

Foto: Facebook/Nadia Vassileva

Papunësia është një përqindje jashtëzakonisht e ulët në këtë moment -nën 5%, kurse ky fakt nuk premton se do të mundet në mënyrë adekuate t’i përgjigjet urisë për kuadro të rinj në kompanitë. Aktualisht më të kërkuarit janë punëtorët e prodhimit, por ata gjenden gjithnjë e më vështirë - ankohen punëdhënësit. Në vend të dytë mungojnë specialistët në tregti dhe logjistikë të ndjekur nga njerëzit e kualifikuar, të cilët zotërojnë gjuhë të huaja dhe janë në gjendje t'u shërbejnë klientëve të huaj në vendin tonë.  Tanimë në vend të 4 renditet nevoja prej inxhinierëve dhe njerëzve për IT sektorin dhe në vend të 5 janë specialistët në fushën e burimeve njerëzore nga të cilët ka ende mungesë në tregun e punës.

“Përgjegjësi dhe disiplinë janë cilësitë të cilat u mungojnë pjesës më të madhe të njerëzve të rinj në tregun e punës. Përshtatje, tolerancë, elasticitet ndaj stresit, kolektivizëm, iniciativë, zgjidhje të problemeve në kompleks, gatishmëri për të fituar njohuri të reja dhe kuriozitet. Këto dy cilësi të fundit janë më të rëndësishme nëse duam që të kemi një siguri në të ardhmen.”

Del se ka studime shumë të pakta sa i përket profilit të atyre që kërkojnë punë në Bullgari. “Zëri i tyre dëgjohet shumë rrallë. Së shpejti do të bëjmë një studim të tillë” - saktëson kryetarja e Konfederatës Bullgare të Punësimit.

Përgatiti në shqip: Nataniela Vasileva

Më shumë nga rubrika

Bullgaria po vazhdon të marrë hua

Bullgaria po vazhdon të tërheqë borxhe të reja çdo të hënë të javës. Borxhi është i brendshëm, dmth. ai është ndaj bankave lokale, shoqërive të pensioneve dhe investitorëve të tjerë korporativë. Para pak kohe, ky trend u riafirmua me lëshimin nga..

botuar më 21-11-27 11.45.PD
Banka Popullore Bullgare

Bullgaria mori një borxh të ri të jashtëm prej 255 milionë euro

Më 22 nëntor, Banka Popullore Bullgare zhvilloi një ankand për shitjen e obligacioneve shtetërore me afat maturimi 7.5 vjet dhe një normë fikse vjetore prej 0.25 për qind. Kredia e radhës shtetërore është 255 milionë euro. Në vitin 2021, Ministria e..

botuar më 21-11-22 4.53.MD

Tregu i banesave – fituesi në pandemi

Një apartament në katin përdhese me oborr-tarracë, një apartament në një kompleks të mbyllur me një oborr komod privat ose apartament me një tarracë të madhe dhe pamje të mrekullueshme. Kjo është tendenca që vihet re në kohën e pandemisë në..

botuar më 21-11-19 7.15.PD