Mandrica është një fshat në Rodopet Lindore, i cili ndodhet në bregun e djathtë të Bjalla Reka /Lumi i Bardhë/, 19 kilometra në jug të qytetit Ivajllovgrad, shumë afër kufirit bullgaro-grek. Sipas legjendës, fshati u themelua në vitin 1636 nga tre vëllezër të krishterë shqiptarë që ishin blegtorë dhe vinin nga fshati Vithkuq afër Korçës. Ata siguronin ushqim për ushtrinë osmane dhe për këtë shkak autoritetet i lejuan ata për të zgjedhur tokën ku të banojnë, duke i liruar nga pagimi i taksave. Supozohet se shumica e shqiptarëve janë vendosur në Mandricë më vonë ose në fund të shekullit të 18-të. Ky është i vetmi fshat shqiptar në Bullgari ku ende flitet një gjuhë arkaike shqipe.
Sot Mandrica është e shkretë dhe e shpopulluar. Por gjatë muajve të verës këtu mbërrijnë turistë për të eksploruar fshatin dhe për t'u zhytur në të kaluarën e tij. Në Mandricë ruhen shtëpi të vjetra të mëdha trekatëshe prej qerpiçi dhe tullash të ndërtuara në stilin e rilindjes bullgare, me tavane të gdhendura, ballkone të punuara me hekur dhe kolonada. Po të doni të mësoni më shumë hollësi për këtë kënd të bukur të Bullgarisë, lexoni artikullin tonë "Mandrica – i vetmi fshat autentik shqiptar në Bullgari e fton botën për vizitë" nga koleksioni i Radio Bullgarisë.
Përpiloi: Veneta Nikollova
Përgatiti në shqip: Vesella Mançeva
Kisha Ortodokse Bullgare nderon sot Shën Gjergjin Fitimtar - një nga martirët e parë për besimin. Ai jetoi në kohën e perandorit romak Dioklecian dhe iu bashkua ushtrisë si adoleshent. Vetëm 20 vjeç u bë anëtar i këshillit shtetëror. Kur..
Lojërat ku personazhi kryesor është veza, ndoshta nuk janë shumë. Në Gjermani, për shembull, për Pashkë, familjet vizitojnë tempullin, dhe më pas fëmijët kërkojnë vezë në kopsht, të fshehura nga lepurushi i Pashkëve - një simbol i pjellorisë. Megjithatë,..
Kur kemi një rast të veçantë dhe takohemi me të afërm ose miq, në shenjë respekti dhe si kujtim, zakonisht u dhurojmë atyre një dhuratë së bashku me një kartolinë të bukur. Në të kaluarën, kartolina e marrë ruhej si një kujtim i dashur dhe madje..