Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pesë ditë deri në zgjedhjet 2 në 1

Si ndikon Covid-19 në fushatën zgjedhore dhe cilat mesazhe arrijnë deri tek njerëzit

Foto: Ani Petrova

Bullgaria është në pragun e zgjedhjeve të treta radhazi të parakohshme parlamentare dhe të rregullta presidenciale. Fushata zgjedhore është në vijën përfundimtare, por për të kuptuar nëse mesazhet e kandidatëve arrijnë tek votuesit, duhet të fillojmë me një analizë të sjelljes që ata po shfaqin në hapësirën publike.

Kjo është një fushatë monologësh dhe, për fat të keq, ata janë shumë të zemërueshëm - vuri në dukje në një intervistë për Radion Kombëtare Bullgare politologu Ognjan Minçev. Krahas figurave margjinale, prania e të cilëve në transmetimet e mediave kombëtare dhe publike vjen si pasojë e ndryshimit të Kodit Zgjedhor që e lejon, zgjedhja e njerëzve është e penguar dhe nga urrejtja e ashpër mes shumicës së kandidatëve kryesorë. Ata nuk perceptohen si rivalë që duhet të drejtojnë të njëjtin vend, por shprehen për njëri-tjetrin në një mënyrë që flet për armiqësi të hapur mes tyre. Kjo sjellje e politikanëve legjitimon polarizimin e shoqërisë, forcon dhe intensifikon zemërimin dhe urrejtjen, tendencat drejt konfliktit, dhe mosgatishmërinë për të kërkuar një marrëveshje”.

Ognjan Minçev

Me siguri që dhe pandemia nga Covid-19 kontribuoi mjaftë për atomizimin e shoqërisë tashmë të ndarë bullgare, por për këtë fenomen, nuk duhet të akuzohet vetëm virusi i cili ekziston mes nesh prej afro dy vjetëve. Antropologu social Strahill Delijski sqaroi se ky është një problem, i cili ka disa përmasa.

“Më e rëndësishmja prej tyre, sipas meje është mungesa e solidaritetit. Ndjenja për një eupati ndaj tjetrit, ndjenja se unë dhe njeriu përballë meje kemi një të drejtë të barabartë të flasim dhe të mendojmë, në fund të fundit, është e humbur. Një shoqëri në shpërbërje nuk mund të gjenerojë kuptime kolektive dhe vlera të përbashkëta, sepse ajo është e përbërë prej grupeve të shumta të vogla, të cilat vet prodhojnë një kuptim personal dhe i gjithë sensi i solidaritetit është i humbur. Ne jetojmë ose njësi të veçanta, ose si një pjesë e fiseve të vogla të cilat luftojnë mes tyre.”

Strahill Delijski

Nëse lodhja nga paqëndrueshmëria pothuajse njëvjeçare politike dhe shëndetësore në të cilën jetojmë do të ndikojë në motivimin e bullgarëve për të votuar, mbetet për t'u parë në ditën e zgjedhjeve.

“Dua të rikujtoj se rreth gjysma e qytetarëve nuk votojnë rregullisht - deklaroi përpara Radios Kombëtare Bullgare politologu Sllavi Vasilev. Kjo është një diagnozë para së gjithësh për sistemin tonë politik. Pasi gjysma e qytetarëve nuk dëshjirojnë të votojnë, sepse nuk shikojnë kuptim, pikërisht kjo duhet të vërë pyetjen e madhe, se cili është sistemi politik bullgar dhe përse ai nuk shkakton interes tek gjysma e popullsisë?”

Sllavi Vasilev

Ai shtoi se ata të cilët do të bëjnë një shëtitje që të votojnë, do ta bëjnë këtë mbi bazën e bindjeve të veta, derisa i kanë. Një pjesë prej tyre tanimë kanë zbuluar dhe partinë, e cila ka ideale afër idealeve të tyre. Kurse po të arrihet deri në formimin e qeverisë pas votimit më 14 nëntor, atëherë përsëri kjo duhet të bëhet me pjesëmarrjen e të ashtuquajturave “parti të ndryshimit”, analizon politologu.

Përpiloi: Joan Kolev

Përgatiti në shqip: Nataniela Vasileva

Foto: BNR, BGNES




Последвайте ни и в Google News Showcase, за да научите най-важното от деня!

Më shumë nga rubrika

Vallë, a është qeveria në detyrë në të vërtetë një qeveri teknike

Vallë, a është qeveria në detyrë në të vërtetë një qeveri teknike? Kjo është pyetja që bullgarët ia bëjnë vetes pasi Dimitër Gllavçev, i propozuar për ushtrues detyre kryeministër, prezantoi përbërjen personale të kabinetit, në të cilin ka një..

botuar më 24-04-23 7.05.PD
Albin Kurti dhe Dimitër Gllavçev

Bullgaria vazhdon mbështetjen e saj për integrimin evropian të Kosovës

Mundësitë për përmirësimin e marrëdhënieve bilaterale mes Bullgarisë dhe Kosovës ishin në fokus të takimit të kryeministrave të Bullgarisë dhe Kosovës, Dimitër Gllavçev dhe Albin Kurti. Bashkëbiseduesit shprehën kënaqësinë për marrëdhëniet aktive..

botuar më 24-04-22 1.51.MD
Dimitër Gllavçev

Kryeministri në detyrë merr edhe postin e ministrit të jashtëm në detyrë

Kryeministri në detyrë Dimitër Gllavçev i propozoi presidentit Rumen Radev ndryshim të përbërjes së kabinetit zyrtar, njoftoi shërbimi qeveritar i shtypit. Pas bisedimeve me kryeministrin në detyrë dhe propozimeve prej tij në bazë të Nenit 99..

botuar më 24-04-22 11.56.PD