Në fillim të vitit 2021 Organizata Botërore e Shëndetësisë e ka shpallur kancerin e gjirit si kancerin më të zakonshëm mes popullsisë së planetit. Organizata nëpër të gjithë botën u përfshinë në fushata sqaruese për inkurajimin e diagnostikimit të herët në Muajin Botëror të sëmundjes - tetor. Bullgaria nuk bën përjashtim. Një nga iniciativat është “Po vazhdoj përpara” të shoqatës “Zgjidhe Bullgarinë”.
Qëllimi i saj afatgjatë është të informojë njerëzit për domosdoshmërinë nga një konsultim në kohë me specialist, sepse shërimi më i mirë i një sëmundjeте është parandalimi.
“Kjo fushatë është rrjedhojë e domosdoshmërisë t’i informojmë gratë në Bullgari për mundësitë për shërimin e kësaj sëmundjeje - tha përpara Radios Kombëtare Bullgare Ekaterina Genova, drejtoreshë ekzekutive e shoqatës “Zgjidhe Bullgarinë”. Gjëja, të cilën unë e kuptova gjatë javëve të kaluara dhe dua ta ndaj është se në Bullgari sot bëhet ajo, e cila bëhet kudo në Evropë gjatë shërimit të kancerit të gjirit. Çështja është të mund të arrihet në kohë deri në vendin e saktë dhe specialistët e saktë.
Në çdo 20 sekonda në botë diagnostikohet një grua me kancer të gjirit - tregon statistika për vitin 2020. Në Evropë këto janë mbi 355 mijë gra të sëmura për vitin e kaluar. “Kjo është një diagnozë shumë e rëndësishme sociale, është kategorike doktoresha Antoaneta Tomova, onkologе dhe pjesëmarrëse në fushatën “Po vazhdoj përpara”.
“Tanimë jemi duke folur jo për një nga 8, por për një nga 7 gra në moshë deri më 74 vjeç, e cila ndeshet me një sëmundje të tillë. Në Bullgari gjatë vitit 2020 mbi 4060 gra janë sëmurur, gjë që do të thotë se 25,5% nga të gjitha gratë me kancer vuajnë nga kjo sëmundje. Për 30 vjetët e fundit vihet re një përparim kolosal në shërimin e diagnozave të shumta të kancerit dhe për më tepër tek kanceri i gjirit. Mjerisht që nga muaji mars 2020, me këto rritje të Covid-19 dhe masat e ndryshme restriktive, vëmendja e shoqërisë u zhvendos. Dhe nëse deri atëherë me kolegët e mi shikonim tumore të vogla rreth dhe nën 1 centimetër dhe mundeshim t’i shëronim, tani përsëri u kthye ky tmerr që përpara 30 vjetëve, në të cilin të shikojmë tumore të mëdha të cilat kanë përparuar, me metastaza, madje tek gratë e reja në fillim të 30 vjetorit të tyre, të cilat vijnë tek ne në stadin e katërt të sëmundjes. Kjo është pasoja më e keqe е kësaj pandemie me Covid-19”, pohon doktoresha Antoaneta Tomova.
Kanceri është si një bombë me mekanizëm sahati - kur është shfaqur njëherë, ai ka për qëllim të asgjësojë trupin e njeriut. Dhe doktoresha Tomova është kategorike, se vet pacientët duhet të jenë pro aktivë - të kërkojnë një shërim adekuat, kompleks, modern dhe një shërim modern, që të mund në kohë ta zgjidhet problemi. Sepse zgjidhja e vonuar është shumë e shtrenjtë dhe në të njëjtën më pak efektive.
Situata pandemike në këtë moment dhe frika nga Covid-19 nuk është një bazë e mjaftueshme të mos të kërkohet një ndihmë mjekësore në kohë. I tillë është dhe mendimi i Conka Todorovës, kryetare e shoqatës “Të sëmurët me kancer dhe shokë” në qytetin Burgas, partnere e fushatës “Po vazhdoj përpara” Sipas fjalëve të saj, në këtë moment sëmundshmëria po rritet dhe gjithnjë e më shumë gra të reja janë diagnostikuar me kancer të gjirit. Por, lajmi i mirë është se të shëruarat, si dhe këta në një remision të përhershëm janë gjithnjë e më shumë.Vet ajo kalon përmes sprovës “kancer i gjirit” gjatë vitit 1987, kur është vetëm 30 vjeçe, dhe nga përvoja e saj personale thotë se po të ketë një shërim të shpejt dhe adekuat kanceri nuk është një dënim me vdekje. Prandaj është me një rëndësi të madhe që për problemin të flitet gjatë gjithë kohës dhe jo vetëm në raste fushatash. Vaksina kundër Covid-19 durohet mirë nga të sëmurët me kancer, shton doktoresha Antoaneta Tomova.
Përpiloi. Vesella Krësteva /në bazë të intervistave të BNR-“Horizont” dhe BNR-Burgas/
Përgatiti në shqip: Nataniela Vasileva
Ekipi bullgar u prezantua në një nivel jashtëzakonisht të lartë gjatë Turneut Ndërkombëtar të Fizikanëve të Rinj (IYPT) në Budapest, ku morën pjesë 38 vende nga e gjithë bota. Fizikanët bullgarë fituan medaljet e argjendta ekipore. Kjo është..
Data 9 tetor është afati i fundit për aplikime për rezidenca kërkimore për përkthyes letrarë nga bullgarishtja në kuadër të projektit Archipelagos, njoftoi fondacioni "Faqja tjetër". Rezidencat do të zhvillohen në Shtëpinë e Letërsisë dhe..
Hapen zyrtarisht Lojërat e Olimpiadës së 33-të Verore në Paris. Me këtë rast, kreu i shtetit Rumen Radev ndodhet në kryeqytetin francez për të marrë pjesë në hapje, me ftesë të presidentit francez Emanjuell Makron dhe presidentit të Komitetit Olimpik..
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..