Më 18 nëntor, në Studion e Parë të Radios Kombëtare Bullgare (BNR), është koncerti i radhës i Big Bendit të Radios, kësaj here me dirigjent Mihaill Josifov – një trumbetar brilant, kompozitor, lider dhe pjesëmarrës në formacione të ndryshme xhaz, pedagog në Akademinë Muzikore Kombëtare “Panço Vlaldigerov”. Programi përbëhet nga kompozime të tij të aranzhuara posaçërisht për orkestrën, me të cilën para vitesh Mihaill Josifov nisi rrugën e tij profesionale. Soliste është Veleka Cankova – një nga zbulimet e skenës bullgare xhaz gjatë viteve të fundit. Do të tingëllojnë këngë të kompozuara për këngëtaren e re si dhe një pjesë prej projekteve të reja të Mihaill Josifov. Në disa prej këngëve Veleka Cankova është bashkautore e muzikës dhe autore e tekstit – si hiti veror “Hapat në rërë” etj. “Udhëtim rreth botës” gjithashtu është sipas tekstit të Veleka. Në të tregohet se sa e bukur është bota e dashurisë, në të cilën ka sy të gëzuar, duar të buta, zemra të ngrohta që zbulohen në natë dhe këndojnë këngën... Pastaj një rrugë e gjatë i çon në një aventurë – një udhëtim rreth botës...
Biletat për koncertin e Big Bеndit të Radios Kombëtare Bullgare mund t’i gjeni në Qendrën e Reklamimit dhe Informimit të Radios Kombëtare Bullgare (Bulevardi “Dragan Cankov” № 4), në rrjetin Eventim dhe online KËTU.
Përgatiti në shqip: Svetllana Dimitrova
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..