Programi i ditës

Radioja Kombëtare Bullgare © 2022 Të gjitha të drejtat janë të rezervuara

Akullorja e prodhuar në fshatin bullgar Rozino hyri në TOP 10 të akulloreve më të mira në botë

4
Foto: arkiv personal

Bullgaria është i vetmi vend i BE-së që u përfshi në renditjen e forumit ndërkombëtar “Gelato World Heritage” në Romë, i organizuar për të tretën herë nga Shoqata Italiane e Mjeshtërve të Akulloreve (Associazione Italiana Gelatieri). Në përzgjedhjen prestigjioze të shijeve të reja spikati akullorja me kos bullgar, e prodhuar në një biofermë pranë fshatit piktoresk malor Rozino. Produkti ynë fitoi një çmim special nga Akademia për gelato-n e zanatçinjve “L'Accademia del Gelato Artigianale Alberto Pica”, i quajtur pas "Mbretit të Gelato-s".

Ceremonia e ndarjes së çmimeve në Romë

Garuesit u ftuan të prezantojnë akullore me përbërës tradicionalë vendas dhe të prezantojnë vendin e tyre. “Çmimi na u dha pas disa muajsh monitorim të aktiviteteve tona. Ai jepet për paraqitjen tonë të përgjithshme, si dhe për transparencën e punës në lidhje me teknologjinë dhe përbërësit e përdorur në akullore”, tha Mirella Janakieva – Menaxhere e Zhvillimit të Biznesit të fermës organike dhe shtoi:

“Përparësia jonë më e madhe është se lëndët e para të qumështit për akulloren i prodhojmë vetë. Ne kemi një fermë organike, nga e cila përdorim jo vetëm produktet, por edhe vetë lëndën e parë. Meqenëse nuk mund të mos e prezantojmë Bullgarinë me kosin tradicional, ne zgjodhëm kosin e buallit, të prodhuar nga ne, si dhe kosin me boronicën e egër."

Pranë fshatit Rozino kullosin 70 buallicë me fat të racës bullgare Murrah

Për përgatitjen e kosit të buallit në fjalë është përdorur teknologjia tradicionale bullgare në bazë të fermentimit me Lactobacillus Bulgaricus unik, me veti të padiskutueshme shëndetësore dhe kuruese. Akullorja nga fshati Rozino shkaktoi një interes shumë të madh jo vetëm për shijen e saj, por edhe për vizionin dhe... mesazhin e saj. “Nuk është rastësi që akullores i kemi shtuar boronica të egra”, shpjegon Mirella Janakieva.

Vitet e fundit u rrit shumë kërkesa për produkte organike të qumështit bullgar

“Ajo është mbledhur pranë një rruge të vjetër romake pranë fermës. Në të ka kaluar sundimtari i hunëve Attila duke udhëtuar për në Romë për ta pushtuar atë. Kështu qe ne futëm simbolikën në produktin tonë, duke paraqitur lidhjen e lashtë historike midis Italisë dhe Bullgarisë. Prandaj e emërtuam shijen e gelato-s “Attila”. Që të duket edhe më e mirë e mbuluam me çokollatë të bardhë, të cilën e ngjyrosëm jeshile me produkte natyrale, duke paraqitur kështu biodiversitetin tipik të fermës sonë dhe të gjithë rajonit.”

Përveç përpjekjes për të riprodhuar ngjyrat e flamurit trengjyrësh kombëtar bullgar, autorët e akullores me shije “Attila” dërgojnë një mesazh serioz: “Duam që njerëzit të mendojnë se çfarë thesaresh u lënë brezave të rinj. A do të mund të shijojnë këta breza qumështin e buallit nga buallicat e lumtura dhe të provojnë boronica të egra të vërteta?”, thotë Mirella Janakieva.

Teknologët nga ferma organike e vendosur buzë malit Ballkanit Qendror kanë zhvilluar mbi 350 receta akulloresh

70 buallica të gëzuara, përfaqësuese të denja të racës bullgare Murrah, kullosin lirisht në biofermën pranë fshatit Rozino. Ato shoqërohen nga 70 lopë Jersey, të cilat prodhojnë më pak qumësht, por me shumë yndyrë. Dhe për shkak se ferma ndodhet në zemër të Luginës së Trëndafilit, atje rritet trëndafili i famshëm vajdhënës bullgar Damascena. Dy vjet më parë, teknologët e saj tërhoqën interesin e të huajve me gelato-n e tyre bazuar në trëndafilin bullgar. “Kemi marrë shumë pyetje, veçanërisht nga italianët, për recetat dhe teknologjitë tona dhe kështu arritëm ta impononim trëndafilin bullgar në një formë tjetër” – nuk e fsheh krenarinë e saj Mirella Janakieva.

Përgatiti në shqip: Vesella Mançeva

Fotografitë janë dorëzuar nga bioferma

Galeria

Më shumë nga rubrika

Godina e Bankës Popullore Bullgare

Banka Popullore Bullgare paralajmëron bankat të jenë të kujdesshme me kreditimin

Në buletinin e Shoqatës së Bankave në Bullgari Guvernatori i Bankës Popullore Bullgare /BNB/ Dimitër Radev parashikon pik të inflacionit gjatë muajit qershor dhe pas kësaj njëfarë qetësimi. Radev parashikon gjithashtu një kthim të ciklit të..

botuar më 22-01-25 3.04.MD

Çmimet u rritën ndjeshëm dhe kjo ndryshoi edhe qëndrimet e bullgarëve për kursimet e tyre

Aktualisht jemi në një periudhë transformimi global të ekonomive në mbarë botën, biznese të reja po shfaqen dhe të tjera po ndryshojnë dhe kjo reflektohet edhe në vendin tonë, thonë ekspertët financiarë. Ata këshillojnë njerëzit që të vazhdojnë të..

botuar më 22-01-21 7.15.PD

Investitorët austriakë: Klima e biznesit në Bullgari është inkurajuese

Austria është ndër investitorët kryesorë në Bullgari. 4.6 miliardë euro janë investimet e 350 kompanive austriake. Mbi 20 000 bullgarë punojnë në kompani austriake. Situata ekonomike dhe politike në Bullgari është “inkurajuese” – kështu e..

botuar më 22-01-20 7.31.MD
Подкасти от БНР