Disa përvjetorë të rrumbullakët të transportit urban në Bullgari provokuan piktoren e talentuar Petja Ilieva që t’i prezantojë shoqërisë bullgare kulturat e vendeve të ndryshme, artin e tyre, traditat, festat, ngjarjet historike. Dy automjete të transportit publik “të veshura” në mënyrë të pazakontë tashmë lëvizen nëpër rrugët e Sofjes, si pjesë e iniciativës vjetore Art4Diplomacy (“Art për diplomacinë”). Në fund të Vitit Evropian të Transportit Hekurudhor edhe e vetmja hekurudhë me binarë të ngushtë në Bullgari u kthye në një “galeri në rrota”.
“Ideja lindi që në mars kur pash trenin me katër vagonët e gjelbër dhe menjëherë e imagjinova si një përrallë plot ngjyrë të ndezura, e cila tërheq vëmendjen e njerëzve dhe i bënë ata të buzëqeshin – tregon Petja Ilieva. – Bashkë me misionet diplomatike të 19 shteteve bëmë dhe montuam imazhe, për të njohur vendasit dhe turistët me elemente të kulturës së vendeve të afërta dhe të largëta, për të nxitur vetëbesimin e tyre, duke i krahasuar me ato bullgare.”
Në vitin 2021 u mbushën 100 vjet nga vendimi dhe nga inaugurimi i ndërtimit të hekurudhës së vetme me binarë të ngushtë të mbetur në Bullgari si dhe 95 vjet që kur u vu në shfrytëzim. Gjatësia e përgjithshme e linjës e cila kalon tri male – Rodopet, Rilla dhe Pirin është 125 km. Itinerari fillon nga stacioni më i ulët – “Septemvri” dhe arrin te stacioni më i lartë në Ballkan – “Avramovo” në lartësi 1267 m mbi nivelin e detit mes pamjeve piktoreske të malit Rodopa. Për peizazhin dhe për veçoritë e terrenit linja njihet si “Hekurudha Alpine e Ballkanit”.
Në idenë për pikturimin e trenit malor u përfshin ambasadat e Finlandës, Shteteve të Bashkuara, Azerbajxhanit, Polonisë, Argjentinës, Irlandës, Kosovës, Portugalisë, Marokut, Indonezisë, Gjermanisë, Italisë, Danimarkës, Afrikës së Jugut, Austrisë, Zvicrës, Spanjës, Moldavisë dhe Izraelit. Gjashtë prej tyre janë pjesë e nismave të Petja Ilievës për herë të parë:
“Secili nga vendet pjesëmarrëse është një partner i rëndësishëm strategjik ose ekonomik për Bullgarinë. Me shumë prej tyre këtë apo vitin e ardhshëm ne festojmë përvjetorë të aktiviteteve tona të përbashkëta - thotë Petja Ilieva. – Danimarka paraqet në tren gurët runikë Jeling (një monument të UNESKO-së), historinë e mbretit të parë viking që pranoi krishterimin dhe një krijesë mitike të asaj kohe. Në “galerinë mbi rrota” do të mund të shijoni një kolazh harmonik të këngëtarëve nga Afrika e Jugut me veshje tradicionale dhe të këngëtarëve bullgarë nga krahina folklorike e malit Rodopa. Moldavia prezantohet me qëndismën “pema e jetës”. Austria tregon një letër muri prej mëndafshi të prodhuar në Vjenë, i cili nuk është inferior ndaj pëlhurave bullgare, megjithëse prej pambuku. Izraeli na prezanton një mozaik të një vile romake në Cipori, që daton në shekullin e III - Mona Lisa e Galilesë. Argjentina merr pjesë me veshjen tradicionale ponço. Modeli ka motive dhe ngjyra që janë tipike për velenxat tona.”
“Mesazhi i kësaj nisme është po ai, të cilin e drejtoj me tërë veprimtarinë në kuadrin e “Artit për diplomacinë”. Të gjithë njerëzit, të gjitha kombet jemi më shumë të njëjtë sesa të ndryshëm, dhe ne duhet të shohim magjepsje në dallime, duhet të kërkojmë pasuri shpirtërore kombëtare, jo kontradikta dhe konflikte” – është kategorike Petja.
Motivet piktoreske do të zbukurojnë vagonët e hekurudhës me binarë të ngushtë deri më 7 prill 2022.
Përgatiti në shqip: Svetllana Dimitrova
Foto: arkiv personalPjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..