Programi i ditës
Radioja Kombëtare Bullgare © 2022 Të gjitha të drejtat janë të rezervuara

Ide për një fundjavë dimri në Berkovica

Foto: arkiv

Në vend të vendpushimeve të tejmbushura dimërore, si Bansko, Borovec ose Pamporovo, shumë njerëz zgjodhën të festojnë Vitin e Ri 2022 në qytetin Berkovica në malin Stara Pllanina në këmbët e majës Kom. Në periudhën e festave hotelet vendase, shtëpitë për miq dhe lokalet aty punuan me një xhiro të plotë dhe me një zënie prej 100%. Nëpër shtëpizat e pushimit nën majën Kom /2016 metra/ rezervimet kanë filluar akoma gjatë muajit gusht, mësojmë nga Dimitrinka Cvetkova nga Qendra Informative Turistike në Berkovica. Sipas saj, qyteti po afirmohet si një destinacion i njohur dimëror, në sajë të majës së bukur Kom, që ku zbulohen pamje të cilat të ndalojnë frymëmarrjen, si dhe të ski-sezonit në rrezet e tij:

“Ka një ski-pistë vepruese në zonën Kom. Ajo është relativisht e shkurtër -  800 metra, por do të zgjatet në të ardhmen. Ka një ski-lift shumë të mirë, si dhe ski-gardërobe, ku njerëzit të mund të marrin me qira një ski-pajisje të plotë. Në fund të pistës është vendosur një çajtore komode. Zona gjendet në 1506 metra mbi nivelin e detit. Në rajon ka tre shtëpi pushimi vepruese, ku njerëzit mund të flenë, të hanë një ushqim të shijshëm,  ose të ngrohen me një çaj bimor nga mali, i cili propozohet falas,” thotë Dimitrinka Cvetkova dhe shton se vendi është një parajsë për skiatorët, snoubordistët, si dhe për vogëlushët, të cilët lëshohen me sana.


Përveç kësaj, në ndryshim nga vendpushimet e mëdha, çmimet këtu janë akoma “popullore”, në bazë të xhepit të secilit. Fjetja në shtëpitë e pushimit këtu nuk është më shumë se 20 leva (rreth 10 euro) në mbrëmje. Po kaq do t’ju kushtojë dhe ski-karta ditore, ku për fëmijët çmimi është 15 leva (rreth 7.5 euro). Nuk do t’ju nevojitet të prisni me orë të tëra në radhë, që të mund të shkoni tek ski-lifti, thjesht sepse nuk ka kaq njerëz. “I nget skitë tatëpjetë dhe i gëzohesh panoramës së bukur”-sqaron Dimitrinka.

Por, çfarë të bëjmë, kur nuk ka dëborë gjatë dimrit?

Shtëpia-muze e Ivan Vazovit

Kjo nuk i ndalon miqtë tanë, sepse Berkovica, bashkë me rrethinat, është një parajsë për turizmin. Jo rastësisht  bukuritë  e saj janë të përfshira në krijimtarinë e shkrimtarit Ivan Vazov, i cili përkohësisht ka qenë gjyqtar në qytet. Këtu Patriarku i letërsisë bullgare krijon disa nga kryeveprat e tij më të mëdha.  Në qytetin Berkovica ka një shtëpi-muze e cila i është kushtuar atij. Kurse në majën Kom ngrihet një basoreliev i tij, i cili pret qindra turistë dhe gjatë dimrit. “Që nga qyteti deri tek e ashtuquajtura “Hizhë e Re” (Shtëpia e Re Malore), në rrëzat e majës Kom arrihet nëpër një rrugë të asfaltuar për rreth 30 minuta. Kurse që nga shtëpia malore deri në vet majën ka një rrugë të shkëlqyer, e cila kalohet për rreth një orë e gjysmë - dy, madje dhe në kushte dëbore,” - sqaron Dimitrinka. Muzeu Etnografik dhe Galeria e Arteve e qytetit janë me dyer të hapura gjerësisht për miqtë e qytetit Berkovica. Ashtu si dhe restorantet dhe tavernat e këtushme, të cilat e vënë theksin te kuzhina dhe atmosfera vendase. Por çfarë mund të hamë?

“Mund të provohen gjellët tipike të Berkovicës si dhe gjëra të ndryshme nga kuzhina bullgare. Si për shembull “berkovska topenica” - kjo është një sallatë shumë e shijshme, si antipastë, ose gjyveç karakteristik vendas. Pothuajse në menynë e çdo një restoranti mund të gjeni gjellët vendase - sqaron Dimitrinka Cvetkova. Për drekë, midis dy ski-lëshimeve ajo rekomandon të ngrohemi me çorbë me shkembe ose me supë pule. Kudo që të shkoni do të shërbeheni dhe do të priteni me një ngrohtësi. Prandaj kohët e fundit qyteti Berkovica u bë një destinacion i kërkuar për kalimin e fundjavës” - thotë në përfundim Dimitrika Cvetkova nga Qendra Informative Turistike në qytetin Berkovica.

Përgatiti në shqip: Nataniela Vasileva

Foto: berkovitsa.bg, Qendra Informative Turistike në Berkovica

Më shumë nga rubrika

Foto: Facebook /Shenjtorët Konstantin dhe Elena

Vendpushimi “Shenjtorët Konstandini dhe Elena” shënon festën e tij me një program të pasur

Vendpushimi ynë më i vjetër detar “Shenjtorët Konstandin dhe Elena” do ta pres festën e vet me një kalendar mjaft të pasur ngjarjesh dhe propozimesh atraktive për pushime dhe përjetime kulinarie. Festimet fillojnë më 21 maj në orën 9 të mëngjesit..

botuar më 22-05-21 6.05.PD

"Didactico – eko-shtegu argëtues për fëmijë" ose turizëm në bazë të shembullit italian rreth Maxhares

Fshati piktoresk i Rilës - Maxhare është gati të fitojë një atraksion të ri. Në një kohë sa më të shkurtër do të zhvillohet ndërtimi i një eko-shtegu arsimor për fëmijët. Për këtë qëllim do të ndërtohen ura prej druri mbi lum, do të përdoren pemë të..

botuar më 22-05-20 7.15.PD

Ekskursione me kauza ose si të mbështesim mbrojtjen e natyrës së egër në Bullgari

Turizmi i qëndrueshëm prej kohe nuk është një synim i paqartë në horizont. Në vendin tonë një sërë projektesh dhe nismash prej vitesh predikojnë të ashtuquajturin “udhëtim të ngadalshëm” me një gjurmë minimale karboni, miqësor me mjedisin dhe në..

botuar më 22-05-18 7.15.PD