Shtëpia e Kaliopas është një nga ndalesat e detyrueshme të çdo një njeriu që dëshiron të prekë të shkuarën e qytetit tonë danubian Ruse, i njohur si "Vjena e Vogël". Në ndërtesën emblematike të Ruses, e ndërtuar në 1864, ndodhet Muzeu i Jetës Urbane. Këtu ndodhej dikur Konsullata e Prusisë. Sot, në ndërtesë është renditur një koleksion unik mobiliesh, veglash dhe aksesorësh nga fundi i shekullit të nëntëmbëdhjetë dhe fillimi i shekullit të njëzetë.
Vizitorët e Muzeut mund të shohin se si kanë jetuar njerëzit e pasur të Ruses në Bullgarinë e Pasçlirimit. Kati i sipërm i ndërtesës është i mbuluar me afreske madhështore të artistit austriak Karl de Schauersberg. Gjithashtu ka një sallon, një sallë muzikore dhe një dhomë gjumi, tipike të kësaj epoke, me mobilie të bukura të importuara nga Vjena. Interes provokojnë edhe koleksionet e veshjeve moderne evropiane urbane, bizhuterive dhe aksesorëve të tjerë, si dhe të enëve të bukura prej argjendi dhe porcelani. Në njërën nga dhomat është ekspozuar pianoja e parë e madhe e importuar në Bullgari.
Me Shtëpinë e Kaliopas lidhet një legjendë për një dashuri të ndaluar mes guvernatorit të Provincës së Danubit Midhad Pasha dhe gruas së konsullit prusian Katerina Kalish. Publikimi "Shtëpia e Kaliopas ruan legjendat e qytetit Ruse" nga koleksioni i Radio Bullgarisë tregon për të dhe për thesaret që ruan sot Muzeu i Jetës Urbane.
Përpiloi: Veneta Nikollova
Përgatiti në shqip: Vesella Mançeva
Më 15, 16 dhe 17 korrik, ditët më të ngrohta të verës,ose të ashtuquajturat “Goreshtnici”,në Bullgari kryhen një sërë ritualesh mbrojtëse. Ato kanë origjinë pagane dhe lidhen me kultin e zjarrit. Më shumë për ritualet e pasura festive në..
Festivali i figurave të rërës rikthehet për të 17-ën verë radhazi në qytetin bregdetar Burgas. Ai do të hapë dyert për vizitorët më 5 korrik në parkun “Liqeni”, njoftoi BTA. Një shfaqje të veçantë me rastin e hapjes do të prezantojnë Shkolla e Baletit..
Popullsia bullgare në Shqipëri është 7057 persona – 3691 burra dhe 3366 gra. Kjo duket qartë nga një njoftim i Institutit Kombëtar të Statistikave INSTAT, cituar nga BGNES. Kjo e vendos komunitetin bullgar në vendin e tretë në Shqipëri pas minoriteteve..