Një stacion modern i monitorimit të ajrit është blerja më e fundit e Muzeut të njohur dhe të dashur të Humorit dhe Satirës në qytetin Gabrovo. Objekti tashmë është instaluar atje si pjesë e projektit “Know the Air” të Iniciativës Evropiane për Mjedis të Pastër. Ka dy arsye se pse Muzeu i Humorit dhe Satirës u zgjodh si një vend për monitorim - nga njëra anë ai është një destinacion i preferuar turistik i banorëve të Gabrovos dhe mysafirëve të qytetit, dhe nga ana tjetër – muzeu ndodhet pranë një prej kryqëzimeve më të ngarkuara.

Gabrovoja e ka statusin e qytetit të gjelbër sa i përket ajrit, por në dimër ka raste kur grimcat e imta të pluhurit tejkalojnë normat e lejuara për shkak të përdorimit të lëndëve djegëse të ngurta për ngrohje nga familjet. Të dhënat nga stacioni i ri i monitorimit të ajrit mund të ndiqen në kohë reale në Portalin Mjedisor të Bashkisë së Gabrovës.

Përgatiti në shqip: Vesella Mançeva