Pas marrjes së sinjalit për një minë të vërejtur në Detin e Zi, Forcat Ushtarake Detare Bullgare do të kryejnë një inspektim në zonë, njoftoi qendra për shtyp e Ministrisë së Mbrojtjes.

Sipas Qendrës së Koordinimit të Shpëtimit Detar - Varna, sot Qendra Turke e Shpëtimit ka njoftuar se anija turke "TOMRIZ-A" ka dhënë një sinjal për një minë rreth orës 06.00 (ora bullgare), afro 37 milje detare në lindje - juglindje të Kepit Gallata.

Marina inspektoi zonën me helikopter dhe dërgoi një anije me një grup xhenierësh, por një minë tani për tani nuk është e zbuluar.

Në mëngjesin e 28 narsut, rreth 70 km nga Kepi rumun Midia në Detin e Zi, peshkatarët zbuluan një minë lundruese ukrainase, e cila, sipas Ministrisë rumune të Mbrojtjes, tashmë është e neutralizuar. Një tjetër minë detare lundruese u pa në brigjet e qytetit turk Ineada, pranë kufirit me Bullgarinë, ku ekipet e Mbrojtjes Nëndetëse e çaktivizuan menjëherë.

Për shkak të kërcënimit, zona ujore bullgare monitorohet në mënyrë aktive nga Marina jonë.