Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Realiteti i ri Covid nga 1 prilli

Masat hiqen – virusi është akoma këtu

Foto: BGNES

Nga 1 prilli, shumica e masave kundër epidemisë në Bullgari  hiqen, të tjerat mbeten të dëshirueshme.Pas diskutimeve të gjata në nivele të ndryshme ekspertësh, vendimi i Këshillit të Ministrave anulon situatën e jashtëzakonshme të pandemisë në vend. Çfarë do të thotë kjo?

Me eliminimin e situatës emergjente epidemike, ndërpritet edhe kërkesa për mbajtjen e detyrueshme të maskës mbrojtëse për një person në vende publike, respektimi i distancës fizike, si dhe kufizimet në numrin e njerëzve që mund të vizitojnë njëkohësisht objektet e mbyllura. Hiqen dhe kufizimet për trajnimin personal, ndalimi i vizitave në spitale dhe në institucionet sociale. Nga po kjo datë ndalojnë punë Covid-zonat. Por, mbetet kërkesa për  paraqitjen e një certifikate digjitale të BE-së për vaksinim, kalimin e sëmundjes, ose testim PCR negativ ose antigjen në pikat e kalimit kufitar.

Sipas të dhënave të studimit sociologjik të Gallup International, të zhvilluar gjatë muajit mars të këtij viti, afro 70% nga bullgarët janë për aplikimin e masave më të lehta, kurse vetëm 20% janë për ruajtjen e kufizimeve. Sa u përket specialistëve shëndetësor, ata janë më tepër skeptik sa i përket rënies së kufizimeve.  “Të themi se pandemia ka përfunduar, do të ishte pak e përshpejtuar” nënvizoi krye epidemiologu i Bullgarisë docenti Angel Kunçev, në një brifing në Ministrinë e Shëndetësisë. Në të njëjtën kohë ai pohoi se Bullgaria, së bashku me Rumaninë, Hungarinë dhe Poloninë, deri në këtë moment kanë ruajtur mjaftë gjatë vlera më të ulëta të sëmundshmërisë në Bashkimin Evropian. Por, Kunçev paralajmëroi se ndërprerja e situatës së jashtëzakonshme epidemike nuk do të thotë fund i pandemisë. Sipas fjalëve të tij, një vendim i ngjashëm mund të marrët vetëm në nivelin e Organizatës Botërore të Shëndetësisë, e cila duhet që ta shpallë këtë fund. Pavarësisht  nga tendenca pozitive në vendin tonë, njerëzit duhet të vazhdojnë të respektojnë disa kufizime të caktuara, nënvizoi docenti Kunçev përpara Televizionit Kombëtar Bullgar. 

Dr. Angell Kunçev

“Me rëndësi është që ta bëjmë në mënyrë mjaft inteligjente dhe pa rrezik, që të mos të nevojitet të kthehen një pjesë e masave. Në Evropë situata nuk është shumë optimiste dhe ka vende, të cilat janë me një sëmundshmëri 11 herë më të madhe se ne, si për shembull Austria. Prandaj, duhet të ecim më vëmendje drejt lehtësimit të masave. Të imunizuarit janë pak mbi 2 milionë, kurse ata që e kanë kaluar sëmundjen janë një milion e gjysmë. Vini edhe gjysmë milionë  sëmundshmëri të fshehtë dhe bëhen 4. Gjithsesi ne jemi 6,5-7 milionë. Vazhdimisht duhet të jemi të vëmendshëm dhe të dimë se gjatë çdo një vale të re, mbetemi pjesa e rrezikuar e Evropës dhe kjo do të mbetet edhe në të ardhmen. Prandaj dhe nuk heqim dorë nga fushata e vaksinimit.”

Të njëjtin mendim shprehu dhe Ministrja e Shëndetësisë profesoresha Asena Serbezova, e cila vuri në dukje se ndjekja e dinamikës së proceseve do të vazhdojë:

Prof. Asena Serbezova

“Tani për tani Covid-19 është këtu. Nuk është një problem i tillë për sistemin shëndetësor siç ishte në fillim, por duhet ta shërojmë në mënyrë adekuate. Duhet të lehtësojmë një pjesë nga masat anti-epidemike, por në të njëjtën kohë është e domosdoshme të ruajmë një sjellje përgjegjëse. Respektimi i kufizimeve është në emër të jetës. Nuk është një heqje të të drejtave dhe lirive, nuk është një poshtërim publik. Jini të shëndetshëm, por gjithashtu kujdesuni për shëndetin dhe jetën e të tjerëve përmes sjelljes suaj të përgjegjshme.”

Sa u përket ndryshimeve në Ligjin për shëndetin, të cilat po diskutohen në këtë moment në Kuvendin Popullor - ato japin mundësi të aplikohen masa të reja në një nivel kombëtar nga Ministri i Shëndetësisë dhe në nivel rajonal - nga drejtorët e Inspektimeve Shëndetësore Rajonale. Nuk do të mund të vendoset ndalimi i lëvizjes në vend dhe ndalimi i funksionimit të objekteve publike. Sa i përket vaksinimit mbetet në fuqi fushata e informacionit “+Unë” e Ministrisë së Shëndetësisë .

Përgatiti në shqip: Nataniela Vasileva

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD