Programi i ditës
Radioja Kombëtare Bullgare © 2022 Të gjitha të drejtat janë të rezervuara

Në bregun tonë jugor të Detit të Zi mbahet Festivali i Bedit të Stranxhës

Foto: Parku Natyror Stranxha

Këtë fundjavë po mbahet edicioni i 18-të i Festivalit të Bedit të Stranxhës në fshatin Brodillovo, Bashkia e Carevos. Festa do të jetë në lokalitetin “Harmanjata”, ku në këtë moment mund të shikohet bedi i lulëzuar - simboli i malit Stranzha. Bedi i Stranxhës (Rhododendron ponticum) është një shkurre e gjatë me gjelbërim të përhershëm, që arrin mbi 2 metra, me kërcell të degëzuar fort. Lulet janë të mëdha, në ngjyrat vjollcë-rozë, të mbledhura në majat e degëve në tufë lulesh në formën e çadrës. Bedi lulëzon gjatë muajve maj dhe qershor për pak kohë. Bedi mund të shikohet vetëm nëpër vende shumë të vështira për t’u arritur në Stranxha dhe në Kaukaz. 

Festivali i Bedit hapet çdo vit me interpretimin e himnit të Stranxhës "Muaji i pastër dhe i kthjellët" dhe përfshin një program të pasur sfidash kulinare dhe gjellësh tipike lokale, këngësh dhe itineraresh turistike. E reja sivjet është ftesa e drejtuar ndaj parqeve të tjera natyrore në Bullgari që të tregojnë dhe ato kureshtjet e tyre.  “Presim turistë të shumtë nga i gjithë vendi, sepse kjo është festa më e madhe në Stranxha për adhuruesit e natyrës dhe miqtë e malit” , tha akoma drejtorja e Parkut Natyror Stranxha inxhinierja Rumjana Cvjatkova.

''Muaji i pastër dhe i kthjellët''

Përpiloi: Vesella Krësteva

Përgatiti në shqip: Nataniela Vasileva


Më shumë nga rubrika

Festa e muzikës bullgare në zemër të Bullgarisë

I vendosur në rrezet e malit të Stara Planinas Qendrore, poshtë majave madhështore Botev dhe Maragidik, qyteti i Aprillci mblodhi këngëtarë, muzikantë dhe ansamble nga Sevlievoja, Plevensko, Svishtovsko, Trojansko, Sofja e të tjera. Ballkani..

botuar më 22-06-30 7.15.PD

Festivali i pare i Bukëve të Ritit pranë Danubit

Më 25 qershor mes rrënojave të kështjellës mesjetare Çerven në afërsi të qytetit Ruse do të mbahet Festivali i Bukës së Ririt, organizuar nga Muzeu Historik Rajonal në qytet. Pjesëmarrësit do të prezantojnë bukë rituale të cilat janë pjesë e pandarë e..

botuar më 22-06-25 9.15.PD

Dita e Enjos - një përrallë e bukur për fuqinë e mrekullueshme të bimëve

Historia e Ditës së Enjos (Enjovden) është si një përrallë e bukur, e cila ka bashkuar fuqinë mrekullibërëse të bimëve, rininë dhe bukurinë që e shoqërojnë festën. Një përrallë të cilës i rikthehemi me kënaqësi çdo vit më 24 qershor, ua tregojmë..

botuar më 22-06-24 5.15.PD