Kryeministri Kirill Petkov u përkul para varrit të Shën Kirilit në Bazilikën Romake “Shën Klemente”. “Neve na takon të vazhdojmë traditën e Kirilit dhe Metodijt dhe të ruajmë shkrimin bullgar”, tha Petkov.

“Të mbani fort anijen e shtetit bullgar, Atdheu ynë i dashur”, i uroi atij Mitropoliti i Evropës Perëndimore Antonij pas liturgjisë në kishë.

Një delegacion bullgar i kryesuar nga Kryeministri u prit në Vatikan nga Papa Françesku. Sipas traditës, delegacioni i dha një dhuratë Papës, kësaj here një skenë nga Lindja e Krishtit. Dhurata është punuar prej leshi, nga fëmijët e Qendrës Sociale “Lindja e Krishtit” të Eksarkatit Apostolik Katolik në Sofje. Nën skenë është shkruar urimi “Paqe në tokë”.

Në delegacionin e kryesuar nga Kryeministri Kirill Petkov mori pjesë edhe Ministrja e Jashtme Teodora Gençovska, e cila gjithashtu u përul para lipsanave dhe varrit të Shën Kirilit.

Gjatë vizitës u zhvilluan takime me kryeministrin Mario Draghi në Këshillin e Ministrave të Italisë, si dhe me komunitetin bullgar në vend.