Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kur kënga popullore është pjesë e fëmijërisë

Ju prezantojmë këngëtarët e rinj të grupit "Aglea" - Nova Zagora

Grupi „Aglea“
Foto: arkiv personal

Fëmijët tanë e duan këngën popullore, u pëlqen të jenë në skenë, të fitojnë çmime dhe duartrokitje, kjo i inkurajon dhe i motivon” – thotë Pllamena Gospodinova për nxënësit e saj në Shkollën e Arteve “Ilia Avramov” – Nova Zagora. U takuam në një nga festivalet tona të bukura folklorike në vendin tonë - "Kiteni dhe Miqtë", ku nxënësit e saj morën disa çmime. Ata i shtuan ato në koleksionin mbresëlënës të çmimeve nga forumet rajonale dhe kombëtare. Suksesi i fëmijëve është një burim krenarie për mësuesen e tyre të përkushtuar, si dhe për komunitetin e vogël, por të bashkuar, të prindërve, gjyshërve, vëllezërve dhe motrave që i mbështesin aktivitetet e tyre. Edhe vetë Pllamena ka filluar të këndojë që si fëmijë, këngët i ka mësuar fillimisht nga gjyshërit e më pas nga mësuesit. Këngëtarja e njohur popullore Dinka Ruseva e ka përgatitur për provimin në Shkollën Kombëtare të Arteve Popullore në qytetin Kotell.

Steliana Minçeva (djathtas) dhe Iva Nikollova me mësuesen e saj Pllamena Gospodinova

“Këndimin popullor e kam studiuar në këtë shkollë të mrekullueshme me zonjën Sashka Çenkova, të cilës i jam shumë mirënjohëse. Ishte ajo që më frymëzoi t'u mësoja fëmijëve këngët popullore. Dhe atmosfera në shkollë, gjithë këta njerëz që i takova gjatë stërvitjeve, më magjepsën edhe më shumë – thotë Plamena. – Gjatë kohës së studimeve të mia në Universitetin e Shumenit "Peshkopi Konstantin Presllavski", më ofruan një praktikë si mësuese muzike në kopshte. Më pëlqeu puna, më pëlqeu sesi fëmijët më shikonin me sy vezullues dhe mezi prisnin t'u tregoja diçka të re. Aty kuptova se ky ishte profesioni im.”

Që nga viti 2018, Pllamena jep mësim në Shkollën e Arteve “Ilia Avramov”. Fëmijët që ajo mëson janë nga 5 deri në 13 vjeç:

“Nova Zagora ndodhet në Krahinën e Trakisë dhe për këtë shkak ne gjithmonë fillojmë të mësojmë së pari këngët e rajonit - vazhdon Pllamena. “Pastaj u shpjegoj fëmijëve se në Bullgari ka zona të tjera ku këngët janë gjithashtu të bukura, por në stile të ndryshme folklorike dhe mësojmë se cilat janë veçoritë e melodive të Stranxhës, Shopllukut, Dobruxhës etj.”

Pllamena na tregoi gjithashtu se rreth dy vite më parë kanë krijuar grupin vokal “Aglea”, në të cilin fëmijët mësojnë këndimin polifonik. Ajo është e bindur se performancat dhe dashuria e publikut i frymëzojnë këngëtarët e rinj që të kapërcejnë vështirësitë dhe ethet e skenës, të zhvillojnë cilësi të vlefshme njerëzore. Kjo është arsyeja se pse ajo vazhdimisht kërkon mundësi për të marrë pjesë në koncerte dhe festivale.

“Puna ime më jep shumë energji”, tha ajo. – Duke parë sesi u shkëlqejnë sytë kur dalin në skenë, sa emocionohen, sa i shijojnë çmimet, emocionohem edhe unë vetë. Ata janë kureshtarë, ndaj jam vazhdimisht në kërkim të këngëve të reja të përshtatshme për moshën e tyre. Në fillim, shumica janë të ndrojtur, por gradualisht bëhen më të sigurt. Vajza ime Nikol ishte 2 vjeç e gjysmë kur u paraqit për herë të parë në konkurs. Darina Hristova është nxënësja ime e parë, së bashku me Nikol.

Dueti i Nikol dhe Darinës „Bilbilat e Nova Zagorës“

Ato tashmë këndojnë në duet. U pëlqen më shumë dueti nga krahina e Shopllukut. Kanë fituar shumë çmime si duet. Të jesh nga Trakia, dhe të këndosh një duet të tillë - jo të gjithë mund ta bëjnë këtë, por ato e bëjnë me sukses.

I falënderoj të gjithë prindërit, të cilët më ndihmojnë shumë. Fëmijët janë të vegjël dhe kur udhëtojmë në një qytet më të largët, ata janë gjithmonë me ne.

Desisllava dhe Reneta Stançevi, 6 vjeçare

Më lejoni t'ju tregoj për Denicën 6-vjeçare - në fillim ajo ishte e shqetësuar për skenën, por pas çmimit të parë, fitoi vetëbesim. Çdo fëmijë ka një temperament të ndryshëm, ata janë gjithashtu të ndryshëm në moshë. Ajo që i bashkon është se e duan këngën popullore dhe e interpretojnë me gëzim dhe me zemër.”

Përgatiti në shqip: Vesella Mançeva

Foto: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Kalorësi djallëzor Shën Theodhori

"Në një rajon të gjerë në Bullgarinë Veriore, kalorësi Shën Theodhor perceptohet si një personazh djallëzor. Përkufizimet popullore për të janë si më poshtë: një shenjtor vampir, përbindësh ose goblin... Ai vizitonte festat e beqarëve, të cilat ishin të..

botuar më 24-03-23 11.05.PD
Foto: Instituti i Etnografisë dhe Folkloristikës me muze në Akademinë Bullgare të Shkencave

Veroret - një simbol i shpresës për gjërat e mira që do të vijnë

Martenica (verorja) është një nga simbolet e Bullgarisë - konsiderohet si një pararojë e pranverës dhe largimit të errësirës. Çdo vit më 1 mars, edhe larg atdheut, ne bullgarët i zbukurojmë të afërmit dhe miqtë tanë me fijet e përdredhura të bardha e të..

botuar më 24-03-01 7.10.PD

Aprillci pret mijëra të ftuar për festën e proshutës dhe rakisë së ngrohtë

Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..

botuar më 24-02-24 8.10.PD