Buzëqeshjet, argëtimet dhe surprizat e fëmijëve me rastin e Ditës Ndërkombëtare të Fëmijëve vazhdojnë edhe sot, më 4 qershor, në Sofje. Fondacioni “Iziart” organizon “Panairin e Fëmijëve” në lulishten përballë Teatrit Popullor “Ivan Vazov” dhe galeritë dhe muzetë aty pranë.
Programi fillon në orën 10:00 dhe do të vazhdojë deri në mbrëmje me mbi 40 iniciativa kulturore dhe edukative, shumë punëtori artistike, shfaqje muzikore e teatrale, valle dhe lojëra.
Lojëra të veçanta muzeore do t’i kthejnë edhe një herë fëmijët në gjuetarë të vërtetë thesari. Me rastin e 140 vjetorit të lindjes së Vlladimir Dimitrov-Mjeshtrit (1 shkurt 1882) u përgatit instalacioni “Hyr në tablo”, falë të cilit fëmijët do të mund të bëhen pjesë e pikturave të mjeshtrit.
Për artistët e rinj ofrohen punëtori për pikturimin mbi xham, arkitekturë, piktura me rërë, qeramikë dhe kaligrafi (për shkrimin glagolitik).
Atraksioni i pritur do të jetë kamioni i vërtetë i zjarrfikësve, i vendosur përballë teatrit në të cilin fëmijët do të mund të hipin dhe të ndjejnë emocionin, duke luajtur rolin e zjarrfikësve.
Përpilues: Vesella Krësteva
Përgatiti në shqip: Svetllana Dimitrova
Foto: Facebook /Easyart Bulgaria
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Të dielën e tetë pas Ngjalljes së Krishtit, ne kremtojmë një nga festat më të rëndësishme për mësimin e krishterë, Rrëshajën. Në këtë ditë, Fryma e Shenjtë - Personi i Tretë i Trinisë së Shenjtë - zbret në tokë për t'iu shfaqur dymbëdhjetë apostujve,..