Orkestra Simfonike e Radios Kombëtare Bullgare me dirigjent Mark Kadin e mbyll sezonin e koncerteve më 10 qershor me një koncert në sallën “Bëllgaria”.Do të ekzekutohen vepra nga Mahler (Blumine), Schumann “Uvertura, Skerco dhe Final”) dhe Bartok, ndërsa soliste e ftuar speciale është violinistja e njohur bullgare Allbena Danaillova - koncert mjeshtrja e parë e Orkestrës së Filarmonisë së Vjenës. Ajo do të ekzekutojë Koncert për Violinë dhe Orkestër Simfonike № 2 nga Bella Bartok - një nga veprat më shumëngjyrëshe dhe komplekse për të ekzekutuar në zhanrin e koncerteve instrumentale. Le të kujtojmë se Allbena Danaillova ka një karrierë të suksesshme të një solisteje dhe muzikante të dhomës.

• Allbena Danaillova: Ëndërroj për një botë pa kufizime dhe më shumë muzikë

Ajo ka qenë violiniste e parë në Orkestrën Shtetërore të Bavarisë, ku më vonë u bë koncert mjeshtre. Një sezon ajo luajti edhe në Orkestrën e Filarmonisë së Londrës. Ajo është drejtuese e Ansamblit të Vjenës /Ensemble Wien/. Rregullisht zhvillon koncerte në Bullgari, Gjermani, Izrael dhe Shtetet e Bashkuara. Ka incizime për radion gjermane Kultur, për Radion e Gjermanisë Veriore dhe Radion Kombëtare Bullgare.