Kryetari i Konfederatës së Sindikatave të Pavarura në Bullgari Pllamen Dimitrov, tha për Nova News se pjesa për termocentralet e qymyrit në Planin e Rimëkëmbjes dhe Qëndrueshmërisë duhet të rinegociohet. Ai deklaroi se nuk ndan mendimin e kolegut të tij nga Konfederata e Punës “Podkrepa” Dimitër Manollov, se plani është i “dëmshëm” për vendin. Por ai ishte kategorik se, “Në kushtet e një krize energjetike, kur Gjermania rihap fabrikat e saj të qymyrit, ne nuk duhet ta mbyllim. Domethënë ka elemente që nuk janë të negociuara siç duhet dhe mund dhe duhet të rinegociohen”, shtoi sindikalisti.

Aktualisht termocentralet me linjit sigurojnë rreth 40 për qind të energjisë elektrike të vendit.