Programi i ditës
Radioja Kombëtare Bullgare © 2022 Të gjitha të drejtat janë të rezervuara

NATO-ja po forcon praninë e saj ushtarake në Evropën Lindore

Foto: Rojters

Rreth 2 400 ushtarë amerikanë nga Divizioni 101 Ajror i SHBA do të vendosen në Rumani, Bullgari, Hungari dhe Sllovaki për të mbrojtur kufirin lindor të NATO-s, njoftoi BTA duke cituar një deklaratë nga misioni i SHBA në Aleancën e Atlantikut të Veriut.

Ndërkohë, Ukraina ka paralajmëruar për një rrezik në rritje të një aksidenti bërthamor në termocentralin bërthamor të Zaporozhies. Në një deklaratë të përbashkët, të gjitha vendet e BE-së, si dhe Shtetet e Bashkuara, Britania e Madhe, Norvegjia, Australia, Japonia, Zelanda e Re dhe vende të tjera insistuan në tërheqjen e trupave ruse nga selia. Në deklaratë shënohet se kjo do të lejonte Agjencinë Ndërkombëtare të Energjisë Atomike të kryente inspektimin e saj "në kohën e duhur dhe të sigurt". Sipas zëdhënëses së Ministrisë së Jashtme ruse, Maria Zaharova, Perëndimi po bën çmos për të mbajtur jashtë ekspertët ndërkombëtarë, ndërkohë që Moska bën përpjekjet e nevojshme për mbërritjen e tyre.

Sipas Shtabit të Përgjithshëm të Ukrainës, ushtria ka zmbrapsur me sukses ofensivën në pesë drejtime, dhe trupat ruse po vazhdojnë të bombardojnë zonat e populluara me tanke dhe artileri.

Sipas informacionit të agjencisë TASS, forcat ukrainase kanë granatuar një zonë të banuar të Energodar. Pala ruse deklaroi gjithashtu se ushtria ukrainase kagoditur objektivat civile në Doneck dhe Makeevka.

Në të njëjtën kohë, anija e parë e marrë me qira nga OKB-ja u nis nga porti ukrainas i Pivdenij me 23 mijë tonë grurë për në Etiopi. Deri më tani, pas përfundimit të marrëveshjes së ndërmjetësuar nga OKB-ja dhe Turqia, gjithsej 16 anije me grurë janë larguar tashmë nga Ukraina. Mes tyre është edhe anija bullgare e mallrave “Rozhen”.


Më shumë nga rubrika

Parashikimi i motit për 28 shtatorin 2022

Të mërkurën temperaturat minimale do të lëvizin ndërmjet 10 dhe 15°, në Detin e Zi pak më të larta, në Sofje rreth 11°. Do të mbajë mot kryesisht me diell deri në mesditë. Pas mesditës do të ketë rritje të përkohshme të vranësirave, por vetëm në..

botuar më 22-09-27 8.25.MD

Një rrufe vrau tre persona në Sofje

Tre persona kanë humbur jetën nga një rrufe në Sofje, ndërsa një person është transportuar në spitalin e urgjencës “Pirogov”. Në stuhinë që goditi kryeqytetin, dy pemë janë rrëzuar dhe disa nënkalime në qendër të qytetit janë përmbytur. Katër..

botuar më 22-09-27 7.31.MD

Mbi një e katërta prej trafikut të internetit është me qëllim të keq

Një total prej 26% e të gjithë trafikut të internetit në vendin tonë është trafik me qëllim të keq bot i krijuar nga programet, raporton BTA duke cituar të dhëna nga Ministria e Qeverisjes Elektronike. Sipas tyre, 80% e të gjitha incidenteve të..

botuar më 22-09-27 6.35.MD