Programi i ditës
Radioja Kombëtare Bullgare © 2022 Të gjitha të drejtat janë të rezervuara

DJ Fabrizio Parisi: Folklori bullgar nuk duhet të mbetet i kufizuar në audiencën e të rriturve

Foto: Ivan Ermenkov

"Detyra jonë si DJ dhe producentë është të nxisim interesin e të rinjve për muzikën tradicionale bullgare," tha për Radio Bullgarinë Fabrizio Parisi, i cili ka gjak bullgar dhe italian në venat e tij.

Ai ka lindur në Bazel /Zvicër/, dhe jeton aty vetëm derisa është 5 vjeç, kur bashkë me familjen e tij transferohen në Itali. Babai i tij është një producent muzikor nga Italia, kurse takimi me nënën e tij në Bullgari është fryt i një rastësie të thjeshtë derisa ndodhet në Bullgari për disa ditë gjatë viteve 70 të shekullit të kaluar. Puna e babait të tij me super yjet e estradës italiane si Ricchi e Poveri dhe Al Bano dhe Romina Power e bën jetën e Fabrizios dinamike dhe të vështirë, por marrëdhënien me muzikën ia detyron atij:

“Ai ishte njeriu i parë i cili më bëri të ekzekutoj, në vend që të zgjedh të kënduarit, ashtu siç doja unë. Akoma 6 vjeç unë fillova të ekzekutoj muzikë klasike në piano.”

Kujtimet e shkëlqyera të fëmijërisë për Fabrizion janë koncertet që ka ndjekur me të atin, muzika e Santana-s, The Doors, Led Zeppelin.“Akoma që  atëherë doja të ngjitesha në skenë dhe të përjetoja emocionet e interpretuesve”, kujtohet Parisi.


Sot muzika rok vazhdon të jetë ndër të preferuarat e tij, por në performancat e tij në skenë ai mbështetet tek hausi, një stil i preferuar nga publiku më i ri.Ndonëse e njeh mirë muzikën popullore bullgare që në vitet e tij si nxënës në shkollën e muzikës në Ruse, Fabrizio bëri eksperimentin e tij të parë me të mezi aty në vitin 2017, kur lindi melodia e njohur Sunbeams.Videoja pranë saj është njëfarë udhëtimi deri tek skajet më të bukura të Bullgarisë.

Sot muzikanti e ndan kohën e tij midis Italisë dhe Bullgarisë, kurse atdheu ynë është një burim i përhershëm i frymëzimit të tij. Dhe pohon se gjatë zgjedhjes së këngës popullore, mbi të cilën do të punojë, niset me një respekt të madh:

“Duhet të jeni shumë të kujdesshëm, sepse muzika popullore bullgare është pothuajse tërësisht me ritme të pabarabarta – shpjegon artisti. Një pjesë e madhe nga muzika popullore është krijuar gjatë 5 shekujve  në të cilat kemi qenë nën sundimin osman. Prandaj historitë e treguara në këngët, mbajnë në vetvete shpresën për një të ardhme më të ndritshme.

Gjëja tjetër e cila më drejton në zgjedhjen e këngës është zëri, i cili e këndon. Është shumë e rëndësishme të zgjedh zërin e drejt, i cili e di sesi do të tingëllojë në 40 000 W tingull, do të hyjë në zemrat e njerëzve dhe do t’i bëjë të dridhen. Zgjedhja e një kënge konkrete, e cila të fillojë të jetojë një jetë të re përmes remiksit është vetëm një pjesë nga detyra përgjegjëse të cilën e ka çdo një DJ ose producent, sqaron Fabrizio Parisi:

“Çdo një shtet ka folklorin e tij, por ai është i “mbyllur” mes një rrethi të ngushtë njerëzish, të cilët janë publiku i tij. Prandaj është shumë mirë, kur mundesh të përdorësh një pjesë nga kjo muzikë në melodinë tënde dhe ajo hyn nëpër klube. Kjo fitore na kthen ne, DJ dhe producentët, në një lloje edukatorësh, gjë që është shumë e mirë. Qëllimi ynë është që të rinjtë të dëgjojnë dhe po t’u pëlqejë të pyesin se nga vjen kjo muzikë, të interesohen dhe të kërkojnë hollësira.”

Sa u përket mundësive të interpretuesve bullgar për një sukses jashtë vendit, Fabrizio është kategorik se ato janë mjaft të barazuara me këto të të tjerëve nëpër botë. Problemi është në konkurrencën, e cila është e madhe dhe e bën suksesin të vështirë.

“Me paraqitjen e internetit u zhduk kufizimi territorial. Tanimë nuk ka rëndësi se ku ke lindur, ku jeton ose punon. Ju jap një shembull me Imanbek, i cili është një nga mbajtësit e fundit të çmimit “Grami”. Ai është nga Kazakistani dhe jeton në një qytet të vogël aty. Tanimë çdo gjë e cila është me rëndësi është cilësia e produktit përkatës, dhe jo kush dhe ku e ka krijuar.”

Foto: Facebook /@ Fabrizio Parisi

Më shumë nga rubrika

“Kate, moj Kate, Katerino”... këndojnë fëmijët e grupit folklorik nga Satovça

Më 24 nëntor Kisha Ortodokse nderon Dëshmoren e Madhe Ekaterina, e cila jetoi në fund të shekullit të III-të dhe në fillim të shekullit të IV-të. Ekaterina ishte e bija e guvernatorit të Aleksandrisë (Egjipt) në kohën e perandorit Maksimian. Nëna e..

botuar më 22-11-24 9.27.PD
Kori Miks i BNR

Vepra bullgare në koncertin jubilar të Korit Miks të BNR-së

Në vitin 2022, Kori Miks i BNR hyri në sezonin e tij të 70-të, i cili vazhdon më 23 nëntor me një koncert në Klubin Qendror Ushtarak. Do të interpretohen vepra nga Apostoll Nikolaev-Strumski, Stefan Mutafçiev, Georgi Popov, Aleksandër Rajçev,..

botuar më 22-11-23 1.18.MD

Orkestra e Muzikës Popullore e Radios Kombëtare Bullgare hap sezonin e 70-të me një program plotë ngjyra festive

Gjatë vitit 2022 Orkestra e Muzikës Popullore e Radios Kombëtare Bullgare shënon shtatë dekada nga themelimi i saj. Këtij përvjetori të rëndësishëm i kushtohet albumi i dyfishtë, i cili mblodhi regjistrime nga dhjetë vitet e fundit, si dhe koncerti..

botuar më 22-11-14 12.18.MD