Më 22 shtator të vitit 1908 për herë të parë tingëlloi Himnin e Pavarësisë, i krijuar pikërisht në ditën kur u shpall solemnisht Pavarësia e Bullgarisë në qytetin Veliko Tërnovo. Kjo ishte një ditë në të cilën i gjithë vendi po festonte, ndërsa në qytetin tonë të Detit të Zi, Burgas, u dëgjua për herë të parë kjo këngë marshimi. Autori i saj ishte Georgi Shagunov – drejtues i orkestrës së Regjimentit të 24-të të Këmbësorisë të Detit të Zi, një muzikant me kontribut të madh në zhvillimin e orkestrave simfonike, koreve të ndryshme, në hedhjen e themeleve të operës në qytet.

Më 22 shtator 1908, i frymëzuar nga ngjarja e madhe, Shagunov krijoi tekstin dhe melodinë e himnit. Ai e mësoi menjëherë me orkestrën ushtarake të frymëmarrjes. Fatkeqësisht, himni u harrua më vonë. E gjetur në arkivin e kompozitorit, ai u rikthye në jetë në fillim të mijëvjeçarit të ri. Njihet gjithashtu si “Himni i Pavarësisë” - një variant i titullit origjinal.

• Himni i Pavarësisë, i krijuar më 22 shtator 1908

Georgi Shagunov është autor i rreth 2000 veprave, ndër të cilat janë disa nga marshet emblematike ushtarake bullgare. Ai shkroi edhe mjaft vepra në frymën e muzikës laike, në modë në atë kohë. Pak kohë më parë, u  restauruan partiturat e disa prej tyre dhe u prezantuan në një koncert në Burgas. Regjistrimet dokumentare të këtij koncerti na siguroi Rumjana Emanuilidu - gazetare e njohur, autore librash biografikë, studiuese dhe admiruese e madhe e krijimtarisë së Shagunovit.

• 140 vjet nga lindja e muzikantit Georgi Shagunov

Përpilues: Allbena Bezovska

Përgatiti në shqip: Svetllana Dimitrova