GERB është gati të tërheqë kandidatin e vet për Kryetar të Kuvendit Popullor, Rosen Zheljazkov, pasi këtë e bëri dje mbrëma edhe “Po e vazhdojmë ndryshimin”. Kryetarja e grupit parlamentar GERB-SDS, Desisllava Atanasova, vuri në dukje se koalicioni është i gatshëm të qëndrojë pas një figure konsensusi që do të mbështetet nga shumica. “Sot duhet të marrim një vendim për kryetarin e Parlamentit – komentoi Atanasova. – Në rast të kundërt nuk mund të shpallen grupet parlamentare dhe kjo bllokon mundësinë e fillimit të procedurës kushtetuese të dorëzimit të mandateve për formimin e qeverisë së re."