Dy sindikatat më të mëdha në Bullgari – Konfederata e Sindikatave të Pavarura (KNSB) dhe "Podkrepa" do të protestojnë sot në rrugët e Sofjes. Në lidhje me protestat priten probleme me lëvizjen në kryeqytet. Aksioni është i drejtuar kundër politikës joadekuate për të ardhurat e punëtorëve. Ato këmbëngulin për rritjen e të ardhurave në kompensim të inflacionit, i cili në një vit arriti në 18.7%, një rritje të pagës minimale nga 710 leva në një minimum prej 850 leva nga 1 janari 2023, një rritje në të gjitha pagat në sektorin privat dhe publik gjatë 2023 me një minimum prej 13%, etj.
Lidhur me tranzicionin e gjelbër dhe efektin e tij tek punonjësit e energjetikës, sindikatat po kërkojnë miratimin e një Plani Kombëtar të Tranzicionit të Drejtë dhe hartimin e aftësive të punonjësve në këtë fushë për t'i përgatitur ata për vendet e reja të punës. Gjithashtu kërkohet miratimi deri në fund të vitit 2022 i një definimi për konsumatorët nevojtarë, që janë më të prekur nga rritja e çmimit të energjisë, dhe futja e një mekanizmi për mbështetjen financiare të tyre.