Bullgaria përmbushi të gjitha detyrimet dhe kërkesat e vendosura para saj për anëtarësim në zonën Shengen. Prandaj, vendi ynë nuk e meriton më të qëndrojë mënjanë dhe është koha për t’u pranuar në Shengen. Këtë e deklaroi kryetari i Kuvendit Popullor, Vezhdi Rashidov, gjatë takimit me kryetaren e Parlamentit Evropian, Roberta Metsola, në Strasburg. Ai kërkoi që vendi ynë të mos ndahet nga Kroacia dhe Rumania në rrugën e përbashkët drejt Shengenit. Rashidov falënderoi Roberta Metsola për rezolutën e fundit të Parlamentit Evropian, me të cilën eurodeputetët edhe një herë bënë thirrje që Bullgaria, Rumania dhe Kroacia të mos pezullohen më për Shengen.