Në hapjen e konferencës “Bullgaria në Eurozonë”, nënpresidentja Ilijana Jotova bëri thirrje për një fushatë shpjeguese për t’iu përgjigjur pyetjeve dhe frikës së njerëzve për efektet e vënies së euros në qarkullim në Bullgari. Sipas saj, mungesa e informacionit krijon një mjedis për skepticizëm dhe teori konspirative. Kjo është edhe arsyeja pse 56 për qind e bullgarëve kanë dyshime shumë serioze për euron, theksoi nënpresidenti, duke cituar një sondazh të Gallup.

Konferenca u shoqërua me një protestë të organizuar nga partia “Vëzrazhdane”. Kostadin Kostadinov dhe deputetët e partisë u lejuan në sallën e diskutimit, por protestuesit mbetën jashtë. Kostadinov theksoi se protestuesit kërkojnë referendum sepse shumica dërrmuese e bullgarëve nuk duan shkatërrimin e levës dhe aplikimin e euros.

Në të njëjtën kohë, anëtarë të Konfederatës së Sindikatave të Pavarura në Bullgari ngritën pankarta në të gjithë sallën duke kërkuar të ardhura më të larta pas vënies së monedhës evropiane në vendin tonë.