Simeon  Sakskoburggotski, djali i Mbretit bullgar Boris III dhe motra e tij Maria-Luiza janë pronarë të Parkut dhe Pallatit “Vrana” (në Sofje), dhe të gjitha pretendimet e shtetit ndaj tyre u hodhën poshtë përfundimisht. Kjo ndodh pasi Gjykata e Lartë e Kasacionit nuk lejoi ankim kundër vendimit të Gjykatës së Apelit të Sofjes, me të cilin të dy u njohën si pronarë të pronës verën e kaluar, shkruan faqja e internetit lex.bg.

“Me këtë vendim i jepet fund mosmarrëveshjes për “Vranën” – pallati është i Simeon  Sakskoburggotski dhe Maria-Luiza dhe rikthehet drejtësia juridike dhe jetike. Pasi shteti dikur ia mori “Vranën” familjes mbretërore pikërisht si pronë e mbretit, nuk ka se si vite më vonë të pretendojë se ka qenë e tij në kohën e shtetëzimit”, komentoi avokatja e Simeonit, Valja Gigova.

• Parku “Vrana” – aksent në programin e Ditës së Sofjes
• Viti 2001: Mbreti – kryeministër