Gjatë natës duke u gdhirë e mërkura, vranësirat nga perëndimi do të rriten sërish dhe do të bjerë borë në shumë rajone të Bullgarisë Perëndimore, ndërsa reshje shiu përgjatë luginës së lumit Struma. Do të jetë pothuajse e qetë me temperatura minimale ndërmjet  minus 4° dhe 1°, në Sofje rreth minus 2°. Para mesditës do të ketë ende reshje bore vende-vende në Bullgarinë Perëndimore, por pasdite ato do të ndalojnë përkohësisht. Do të fryjë erë e dobët deri në mesatare juglindore në Bullgarinë Lindore, erë e dobët lindore-verilindore në Rrafshinën e Danubit. Temperaturat ditore do të rriten lehtë dhe maksimalet do të jenë nga 1°- 2° në zonat veriperëndimore deri në 9°- 11° përgjatë Detit të Zi.

Në zonat malore do të mbajë mot kryesisht i vranët. Gjatë ditës do të ketë reshje bore vende-vende, më intensive natën e së enjtes. Nën 1000 - 1200 m do të ketë reshje shiu dhe do të ketë kushte për ngrica. Do të fryjë erë kryesisht mesatare jugperëndimore, duke u rritur me stuhi në mbrëmje. Gjatë natës duke u gdhirë e enjtja era do të orientohet nga perëndimi-veriperëndimi.Temperatura maksimale në 1200 m do të jetë rreth 3°, në 2000 m - rreth minus 1°.

Mbi Detin e Zi do të ketë vranësira të konsiderueshme, por nuk priten reshje. Do të fryjë erë mesatare juglindore. Temperaturat maksimale të ajrit do të jenë ndërmjet 9° dhe 11°, dhe të ujit të detit - 11°-12°. Lëvizja e detit do të jetë 2-3 ballë.