Bullgaria nuk mund të pranojë sanksione të mundshme evropiane kundër Rusisë në fushën e energjetikës bërthamore, sepse ato do të ndikojnë drejtpërdrejt në sektorin tonë energjetik. Para mbledhjes së jashtëzakonshme të Këshillit Evropian, që mbahet më 9 dhe 10 shkurt në Bruksel, presidenti Rumen Radev theksoi se nëse do të miratohen sanksione të tilla, vendi ynë do të vendosë veton, njoftoi korrespondenti i BNR në Bruksel. “Ne i konsiderojmë të gjitha fushat në të cilat kjo mund të ndodhë, por aty ku kërcënohen interesat tona, ne nuk mund ta pranojmë”, tha kreu i shtetit.