Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Dita zgjedhore filloi për bullgarët jashtë vendit

Foto: BGNES

Dy qendrat e para të votimit jashtë shtetit në Oukland dhe Krajstçërç në Zelandën e Re hapën dyert e tyre saktësisht në orën 07:00 të mëngjesit me orën lokale (ora bullgare 22:00 të mbrëmjes së 31 marsit) për qytetarët bullgarë që dëshirojnë të zgjedhin përfaqësuesit për Legjislaturën e 49-të të Kuvendit Popullor, njoftoi Ministria e Punëve të Jashtme.

Dy orë më vonë, votimi filloi në Australi. Pritet që dita e zgjedhjeve jashtë vendit të përfundojë më së voni në seksionet në Kaliforni të SHBA-së - në orën 6 me orën bullgare të hënën, më 3 prill.

Jashtë vendit, qytetarët bullgarë mund të ushtrojnë të drejtën e tyre të votës në 61 vende, në 737 seksione. Në 245 seksione sigurohet votimi me makineri dhe makineritë i janë dorëzuar përfaqësive diplomatike dhe konsullore bullgare.

Turqi, seksionet janë më së shumti ku 350 000 njerëz kanë të drejtë të votojnë. Pritshmëritë e organizatave të emigrantëve janë që vetëm 10 për qind e turqve me pasaportë bullgare të shkojnë.

Greqi qytetarët bullgarë kanë mundësinë të votojnë në 21 seksione. Në Athinë, ku jetojnë shumica e bashkatdhetarëve tanë, ka 5 seksione, dhe në isullin Kreta ka 5 seksione në pesë qytete. Bashkatdhetarët tanë mund të votojnë edhe në Aleksandrupolis, Komotini, Kavallë, Stavros dhe Selanik. Në mëngjes, kur u hapën disa seksione, ishin radhë me njerëz.

Belgjikë ka 15 qendra votimi, shumica në Bruksel. Dy janë në përfaqësinë tonë të përhershme dhe dy në ambasadë. Pjesa tjetër janë në Antverpen, Gent, Varegem, Ljoven, Masmehelen dhe Hasellt. Në Belgjikë jetojnë 45 mijë persona me nënshtetësi bullgare dhe 10 mijë të tjerë kanë dy shtetësi. Të drejtën për të votuar e kanë nja 40 - 45 000 njerëz, por zakonisht nga 10 deri në 15 për qind prej tyre votojnë.

Luksemburg ka 2 seksione. Aty jetojnë rreth 2000 bullgarë dhe 700 prej tyre votojnë.

Francë, ku u hapën 16 qendra votimi, pritet një pjesëmarrje e ulët. Tri nga seksionet janë në ambasadën tonë në Paris. Në Monpelie dhe Tulluza, dy seksione janë në adresa të reja. Seksionet në kryeqytetin francez, në Nicë dhe Lion, janë të pajisura për votim me makinë, ndërsa në pjesën tjetër votimi bëhet me fletë votimi në letër.

Britaninë e Madhe, bullgarët votojnë në 118 seksione, vendndodhja e tyre është sipas parimit gjeografik dhe demografik. Në 35 prej tyre ka makineri, ndërsa në pjesën tjetër bashkatdhetarët tanë do ta ushtrojnë të drejtën e votës me fletë votimi.






Последвайте ни и в Google News Showcase, за да научите най-важното от деня!

Më shumë nga rubrika

Kostadin Kostadinov

“Vëzrazhdane” nuk do të mbështesë një qeveri të mbështetur nga DPS

Partia “Vëzrazhdane” nuk do ta mbështesë qeverinë e përkrahur nga DPS edhe pa Deljan Peevskin. Këtë e deklaroi kryetari i partisë, Kostadin Kostadinov, në një takim me “Ka një popull të tillë” (ITN) në kërkim të mbështetjes për mandatin e tretë...

botuar më 24-08-02 5.59.MD
Presidenti Rumen Radev

Rumen Radev ka uruar Gordana Siljanovska-Davkova me rastin e festës kombëtare të RSM-së

Kreu i shtetit Rumen Radev ka uruar presidenten dhe qytetarët e RSM-së me rastin e festës kombëtare Ilinden - Dita e Republikës. “Vetëflijimi i heronjve të Kryengritjes së Ilindenit mbart kujtesën në kohë, e cila do të lidhë përgjithmonë..

botuar më 24-08-02 1.57.MD
Dimitër Gllavçev

Dimitër Gllavçev: Mjafton ndihma nga BE-ja për t'u përballur me zjarret

Kryeministri në detyrë Dimitër Gllavçev deklaroi në sallën plenare se gjendja me zjarret është e rëndë, por për momentin nuk kemi nevojë për ndihmë shtesë. “Mekanizmi ndërkombëtar për mbrojtjen civile në kuadër të Bashkimit Evropian është..

botuar më 24-08-02 12.24.MD