Vendi ynë po shqyrton ndalimin e importit të grurit ukrainas sipas shembullit të Polonisë dhe Hungarisë, njoftoi në Plovdiv ministri në detyrë i bujqësisë Javor Geçev. “Duhet të ruhen edhe interesat bullgare, aq më tepër që kur dy nga vendet reagojnë në këtë mënyrë, nëse ne nuk reagojmë në mënyrë të ngjashme, akumulimi i sasisë së grurit në territorin bullgar mund të bëhet edhe më i madh”, u argumentua ai.

Ministri tha gjithashtu se para disa ditësh për këtë temë ka biseduar me kolegë nga gjashtë vende, ndërsa në shtator Bullgaria ka kërkuar reagim nga Brukseli. Sipas fjalëve të tij, të martën do të ketë “bisedime me presidentin, i cili ka angazhime të drejtpërdrejta në këtë situatë”.

Ndërkohë, me rastin e vendimit të Polonisë dhe Hungarisë për të ndaluar importin e grurit ukrainas, Komisioni Evropian komentoi se veprimet e njëanshme në fushën e tregtisë nga vendet anëtare të Bashkimit Evropian janë të papranueshme.