Në konsultimet për formimin e qeverisë, presidenti Rumen Radev priti përfaqësuesit e partisë “Vëzrazhdane”. Kreu i tyre Kostadin Kostadinov deklaroi se partia e tij nuk ka qëllim të jetë në opozitë, por dëshiron të qeverisë dhe është e gatshme të propozojë një kabinet nëse merr mandat. Ai vuri në dukje miratimin e buxhetit të shtetit si prioritet kryesor të parlamentit. Kostadinov premtoi se do të punojë për të kufizuar pushtetin e Prokurorit të Përgjithshëm.

Kostadinov përsëri reklamoi iniciativën e tyre për shpalljen e referendumit për mbajtjen e levës si monedhë kombëtare dhe se kanë mbledhur nënshkrime të mjaftueshme për ta bërë referendumin të detyrueshëm. Ai akuzoi dy koalicionet e para në parlament për një "grusht shteti të fshehur dhe zvarritës" sepse duan të futin euron.