Një delegacion parlamentar i kryesuar nga kryetari i Kuvendit Popullor, Rosen Zheljazkov, do të ketë një audiencë me Papa Françeskun më 24 maj të këtij viti, njoftoi qendra për shtyp e Parlamentit. Delegacioni përbëhet nga nënkryetarët e Kuvendit Popullor, përfaqësues të grupeve partiake në Parlament. Në mesin e zyrtarëve janë edhe përfaqësues të Presidencës, pushtetit ekzekutiv, Sinodit të Shenjtë të Kishës Ortodokse Bullgare dhe Kishës Katolike.

Para audiencës, Kryetari i Kuvendit Popullor do të zhvillojë një bisedë kokë më kokë me Papën dhe më pas do të takohet me Sekretarin e Shtetit të Vatikanit, kardinalin Pietro Parolin. Rosen Zheljazkov do të bisedojë edhe me kreun e shtetit të Urdhrit Sovran të Maltës, John Dunlap.

Programi i delegacionit parlamentar përfshin një takim me kryetarin e Dhomës së Deputetëve të Italisë, Lorenzo Fontana.